José Ramón Gómez Besteiro, candidato á secretaría xeral do PSdeG, percorre nesta xornada diversos puntos da provincia da Coruña e de Ferrolterra para manter reunións cos compañeiros e compañeiras socialistas, entre elas unha con militantes traballadores do naval en Ferrol. O socialista reivindicou “a potencia industrial que foi no seu día esta zona e o potencial que seguen a ter Ferrolterra e Galicia”, que agora vén abaixo pola “total inexistencia dunha política enerxética e industrial” por parte da dereita. “Gustaríame criticar e falar sobre a poítica industrial e enerxética de Rajoy e Feijóo, pero non podo, porque non existe”, asegura Besteiro, que pide “superar o curtopracismo da dereita , a pura anécdota e a manipulación cando veñen tempos electorais, sen continuidade na estratexia”.
Gómez Besteiro lembrou datos como o 32% de paro na comarca de Ferrolterra, os 2.400 despidos polo peche de industrias vinculadas ao naval, o desmantelamento das industrias de componentes eólicos na comarca, con máis de 1.000 empregos perdidos en tres anos, ou as ameazas sobre o futuro doutras industrias tractoras como Endesa en As Pontes ou Megasa en Narón. Gómez Besteiro afondou no potencial de Galicia, e en particular de Ferrolterra, pola súa situación estratéxica. “Falta unha verdadeira política industrial que defenda a nosa posición estratéxica no mundo, e faltan proxectos con visión de futuro”, asegurou.
Política enerxética
Asimesmo, Besteiro destacou a urxencia dunha “política enerxética estable, que permita que as grandes empresas teñan un horizonte no que poidan establecer as súas liñas de competitividade, e non seguir dando bandazos na lexislación sobre enerxía”.
A Feijóo: “Acabáronse as vacacións, Galicia arde polos catro costados”
En referencia á vaga de incendios que está a vivir Galicia, e preguntado polo acto de inicio de curso da dereita, Besteiro reclamou responsabilidade. “Galicia está ardendo polos catro costados e o presidente da Xunta aínda se vai incorporar agora. Pido que se incorpore canto antes, de forma inminente, para que os galegos teñan a percepción de que, ante o que estamos a vivir, hai alguén ao fronte, porque é o que espera a xente”, afirmou. “Acabáronse as vacacións, xa non se pode estar de vacacións, hai que estar ao fronte e coordinando a política contraincendios”, engadiu, porque “a percepción do mes de agosto é de determinadas caminatas matutinas que non aportaban nada aos galegos”.
Asimesmo, avogou por superar “a eterna discusión de botarse a culpa mutuamente” cos lumes, e “poñerse a traballar a longo prazo e con altura de miras”. Hai que ser capaces “de construír”. Besteiro comprometeuse a “facer propostas en positivo” desde o PSdeG, pero reclamou que o goberno galego “se poña as pilas, porque é necesario que o atenda os problemas dos cidadáns, e non está pasando iso, non está dando ese exemplo” polo que pediu “seriedade, responsabilidade, coherencia e estar á altura das circunstancias”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
