Máis dun cento de persoas participaron na Peregrinación Marítima que organizan cada ano a Deputación de Lugo e o Club Náutico de Foz. Unha xornada que reuniu un gran número de participantes xa que ademais dos particulares que se achegaron coa súa embarcación, este ano a organización deu a posibilidade a todo aquel que quixera de celebrar o seu bautismo de mar. Deste xeito tres embarcacións “charter” percorreron a ruta marítima que vai dende Ribadeo ou Viveiro ata Foz acompañando ós veleiros de particulares.
A Deputación apoia esta iniciativa porque considera o evento unha boa oportunidade para promocionar o turismo de costa, que goza, cada vez máis, dunha grande aceptación entre o público. Os organizadores consideran a cita todo un éxito xa que o número de participantes crece ano tras ano.
O bo tempo acompañou a xornada e ata a costa lucense se achegaron navegantes de toda Galicia e Asturias que non quixeron perder a oportunidade de desfrutar da viaxe. Nesta cita participan embarcacións de moi diversa clase que só teñen en común o amor polo turismo náutico e aproveitan a xornada para reivindicar melloras nos servizos dos portos lucenses. Así se puido ver navegando o “Dorelly” unha embarcación artesanal con velas de tea de algodón que contrastaba con outros barcos de primeira liña moi modernos. Tamén chamou a atención un Dufour 455 de máis de 10 metros de eslora e os chegados dende Avilés e Gijón, Budlleox e Montsacro. En definitiva, a xornada caracterizouse polo mar calmo, o sol e un ambiente festivo.
Á súa chegada a porto, os barcos que así o quixeron realizaron unha regata non competitiva e entre os participantes se repartirán trofeos conmemorativos esta noite na cea de Gala. As embarcacións participantes partirán mañá dende o porto de Foz cara ós seus lugares de procedencia.
O turismo náutico, en auxe
O turismo náutico supón un importante factor de crecemento a potenciar. Hai que ter en conta que a provincia lucense conta cunha situación estratéxica como punto de paso de embarcacións e cruceiros e con estupendas condicións de navegación nas rías; a localización dos seus portos nas inmediacións dos núcleos urbanos; os atractivos turísticos da zona, a gastronomía e a natureza son factores clave para axudar a un sector un auxe. Ademais, o turismo náutico está intimamente ligado ó turismo de calidade e, polo tanto, é unha fonte de riqueza, que permite, ademais, aproveitar de xeito sostible os recursos existentes da costa, respectando o medioambiente, un elemento fundamental para atraer a turistas á provincia de Lugo.
A Peregrinación Marítima de Cruceiros é unha das múltiples actividades que a Deputación de Lugo ten posta en marcha na Mariña, e que amosan as múltiples posibilidades da desestacionalización do turismo, a través das actividades de natureza, deporte ou medioambiente.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
