Pobra de Brollón, 29 de agosto de 2013.- O Partido Popular de Pobra de Brollón explica que as declaracións postas de manifesto a través dos medios de comunicación polo rexedor local, o nacionalista Xosé Luís Maseda, só veñen a verificar que o edil non está a cumprir co seu horario laboral na Deputación Provincial de Lugo, mentres percibe un soldo do ente, sufragado por todos os lucenses.
Os populares da Pobra de Brollón non deixan de amosar a súa sorpresa ante as palabras do alcalde ao ser quen de dicir onde debe ou non debe prestar os seus servizos un asesor da Deputación Provincial de Lugo. A formación popular censura que o propio rexedor sexa quen de xustificar esta actitude e asegurar que a xente que cobra da Deputación pode facer o seu traballo onde o desexe o seu partido.
Dende o Partido Popular da Pobra de Brollón lamentan que Xosé Luís Maseda faga uso da súa autoridade de tal forma que estea a liberar ao seu servizo un traballador que percibe un salario da Deputación, pero que a diario está a prestar o seu asesoramento tanto ao grupo municipal do BNG na Pobra de Brollón, como ao partido comarcal, ao ser coordinador de Lemos.
Os populares lembran que este feito era coñecido por todos os veciños, ao ser o traballo do edil no concello incompatible coa súa xornada laboral na Deputación; sen embargo, advirte agora o PP que as propias palabras do alcalde nacionalista poñen en evidencia, segundo o propio rexedor, que un traballador da Deputación pode prestar os seus servizos onde o requira a formación política a que pertence.
Censura do uso dos recursos públicos
Os populares da Pobra de Brollón explican que o seu partido, coa información na man, está a censurar o uso que se lle está a dar a uns recursos públicos, que aportan todos os lucenses, e que están percibindo traballadores sen realizar as funcións para as que foron designados.
Porén, reinciden dende o PP da Pobra de Brollón que en ningún momento o noso grupo faltou á honorabilidade de ningún traballador, senón que soamente está a denunciar unha situación que é pública e notoria.
O que os populares critican non é que perciban un salario do ente provincial, -algo que é de todos sabido-, senón onde prestan os seus servizos este persoal adscrito a unha área de goberno ou a un grupo político da Deputación de Lugo.
Os populares pregúntanse que se o edil de Pobra de Brollón está prestando o seu servizo no concello, “que administración debería ser a que sufragara este soldo? “, expoñen. Sabemos que a Ricardo Rodicio lle paga a Deputación, polo tanto debe ofrecer os servizos que lle designan no seu nomeamento, matizan dende o PP municipal.
En resumo, o PP da Pobra de Brollón reproba que un asalariado da Deputación non chegue a pisar as dependencias provinciais por prestar os seus servizos ao BNG. Estes feitos, segundo os populares, son “os que denostan a política e a imaxe dos seus traballadores”, non a realización da labor de oposición, que é o que está a facer o PP.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
