Barreiros, 8 de agosto de 2013. Os xardíns do Eido Dourado acollerán o próximo domingo, día 11 de agosto, ás 22:00 horas, a actuación de Tino Baz, cantautor guardés que mestura pezas populares con poesía galega.
Segundo Celso Dourado, promotor do concerto, o domingo “os xardíns do Eido Dourado van ter, posiblemente, o evento coa aposta máis forte que fixemos este verán. Estará con nós Tino Baz, un cantautor galego nado na Guarda (Pontevedra) no 1972. Posúe unha formación realmente exemplar que lle permitiu formar parte de diferentes formacións musicais do país como, por exemplo, A Roda. Tino nútrese, como principal fonte, da poesía galega cantada; no seu repertorio adapta pezas populares mesturándoas coa palabra de poetas como Manuel María, Celso Emilio Ferreiro, Marica Campo, Bernardino Graña, etcétera”.
Ademais da súa voz, aclara Dourado, Tino Baz “nos seus concertos utiliza como instrumentos de acompañamento a zanfona, a gaita e a percusión. Ten un grande número de colaboracións con grupos como Treixadura, Leilía, Quempallou, A Quenlla, Miro Casabella ou outros. E hai que destacar as súas andainas pola illa caribeña de Cuba ou polo país veciño de Portugal, en tributos ao grande cantautor luso Zeca Afonso. Tino é un grande defensor da lingua nai da patria facendo do galego a súa bandeira. Eu gozo da súa amizade e por iso vai estar aquí, e inda que xa estivo no 2012 na apertura e no encontro do Eido Dourado, este vai ser o primeiro concerto que dea como tal na Mariña. Realmente é a grande voz renovadora do canto galego, que versiona a poetas. Para min realmente é unha ledicia poder contar con Tino e espero que as persoas que senten dalgunha maneira o noso país ou aqueles que simplemente sexan admiradores do bo facer dentro do que é o canto de cantautor, se acheguen ó Eido Dourado para gozar dunha velada con este verdadeiro exemplo da música do noso país”.
O artista barreirense sinala tamén que, como todas as actuacións dominicais que están a facer no Eido Dourado, e xa que coida que “a cultura sempre debe ser en aberto, o concerto vai ser totalmente gratuíto”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
