Lugo, 14 de agosto de 2013. O deputado nacionalista e vicepresidente da Deputación Provincial de Lugo, Antonio Veiga, lamenta que “o Partido Popular pretenda dar leccións sobre políticas de benestar cando desde a súa chegada ao Goberno do Estado e a Xunta de Galiza está a acometer a maior poda da historia do Estado de benestar.” Así de contundente se amosou o representante nacionalista, esta mañá, tras coñecer as declaracións de representantes do Partido Popular sobre o Servizo de Axuda no Fogar básico, e asegurou que “é sorprendente que o Partido Popular teña o atrevemento de falar de benestar, e máis concretamente do Servizo de Axuda no Fogar básico, cando foron os seus dirixentes os que suprimiron este servizo en todos os concellos con menos de 20.000 habitantes, o que para a nosa provincia supón 66 dos 67 concellos, todos agás o de Lugo.”
“Escoitar aos populares falar de benestar –precisou Veiga- é o mesmo que escoitar dicir que Franco defendía os dereitos democráticos ou escoitar a Bárcenas falar de boas prácticas contábeis. Aínda máis despois de que o Partido Popular, desde o Goberno central, suprimise a partida orzamentaria que o Ministerio de Sanidade, Servizos Sociais e Igualdade, a través do IMSERSO, dedicaba ao servizo de Teleasistencia Domiciliaria, servizo que na actualidade están a cofinanciar a Vicepresidencia da Deputación lucense e os concellos, ou despois de que establecese o copago sanitario e convertera as escolas infantís en centros vedados para aqueles que menos recursos teñen”.
Antonio Veiga acusa a Elena Candía, á que chama “a deputada do venres” aínda que asegura que hoxe é “a deputada do mércores por razóns da ponte”, de non saber do que fala e de non contar co apoio dos membros do seu partido, posto que a totalidade dos concellos do Partido Popular solicitaron e recibiron axudas da área de Benestar Social da institución provincial para poder manter o Servizo de Axuda no Fogar básico e non se recibiu ningunha crítica sobre a contía asignada nin os criterios empregados para o reparto.
Desde o Grupo Provincial do Bloque Nacionalistas Galego aseguran que “os populares non son quen para criticar as políticas da área de Benestar Social da Deputación porque alí onde gobernan están a acometer a maior poda do Estado de Benestar. O Estado español xa estaba por debaixo da medio de gasto en benestar e as políticas da dereita están acentuado esta fenda.”
Veiga insiste en que “coa rolda de prensa de hoxe, que toca a mércores e non a venres para desfrutar da ponte festiva, o que pretende Elena Candia é crear unha nova cortiña de fume para tapar as miserias da súa organización; pretende esconder as miserias do PP da G, do Partido Popular da Gürtel, e do PP da B, do Partido Popular de Bárcenas e do alcalde de Baralla.”
O Partido Popular recorre ás mentiras para tentar ser protagonista
En relación ás acusacións do Partido Popular sobre os supostos asesores do BNG na Deputación, Antonio Veiga, lamenta que Elena Candia teña que “recorrer unha vez máis ás mentiras para ter protagonismo, polo que desde o Grupo Provincial do BNG pedímoslle que rectifique de xeito inmediato porque, tal e como se recolle no informe do servizo de persoal da Deputación, en ningún momento os catro traballadores estiveron adscritos ao Goberno, como insiste o Partido Popular, senón que aparecen como persoal administrativo do Grupo Provincial do Bloque Nacionalistas Galego, como se recolle, tamén, na Relación de Postos de Traballo da institución en 2011 e 2012.”
Sobre este asunto, o deputado nacionalista sentenciou que “ningún dos traballadores aos que cita o Partido Popular recibiu ningún salario da Deputación xa que as súas retribucións fanse a cargo do Grupo Provincial do BNG.”
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
