Esta fin de semana 20 dos palistas máis novos do Club Kayak Foz: benxamíns, alevíns e infantís, desprazáronse a disputar sendos campionatos galegos: o de benxamíns e alevíns a Narón o sábado e o de infantís a Boiro o domingo.
Campionato Galego de Piragüismo Alevíns e Benxamíns
O sábado, na zona do paseo marítimo de Xuvia, en Narón, disputouse o Campionato Galego de Piragüismo para alevíns e benxamíns na distancia de 1.500 metros. Cunha temperatura que rondaba os 25º, os noso novos palistas saíron á auga a disfrutar dunha boa mañá de regatas. As mangas, unha a unha, fóronse sucedendo dando grandes sorpresas para o noso club.
Comezaron as máis pequenas, na manga de Muller Benxamín K1, na que María entraba ocupando a quinta praza, Laura a sexta e Marta a decimoquinta posición da regata.
A quenda seguinte foi para os homes Benjamín K1. Enrique, Iago e Isaac entraban en acción, sendo o mellor colocado Enrique que pasou a ocupar a sétima posición. Iago e Isaac remataron na praza 60 e 67 despois de volcar o primeiro remontando posicións.
As alevíns kayakistas Paola, Lidia e Adah, zarparon na súa manga cunha moi boa saída e aínda que levan as tres menos de dous meses remando finalizaron a regata nas posicións 13, 31 e 37, respectivamente.
E chegaba a quenda de Pablo, Santi y Brais, os alevíns B do Kayak. Estes tres rapaces, curtidos xa en máis regatas souberon buscar a zona boa para a saída entre os 69 barcos que ocupaban a liña de boias. Finalmente acadaron os postos 18, 30 e 41.
A última regata a disputar sería a que máis alegría daba a un Kayak xa máis que satisfeito polos resultados que alcanzaran todos os rapaces. Saíron á auga os alevíns A do club; Xoel e Iago. Coa saída nula dun grupo de palistas que se lanzou a regatear, os participantes na categoría tiñan que volver tomar a saída que os focegos aproveitaron con astucia e picardía para conseguir situarse na boa zona de saída. Xoel e Iago saíron no grupo de cabeza e aí continuaron ata a primeira ciaboga onde a mala sorte, en conxunción cos seus inmediatos rivais arrinconaron a Iago de tal forma que a saída do atolladeiro era saltarse a boia… A pesar disto continuou en regata, mentres que Xoel poñía “pes en polvorosa” e lles ensinaba a popa azul do seu barco ós seus inmediatos perseguidores. A carreira continuou con esta tónica, Xoel marcando e os seus perseguidores sen poder facer outra cosa que seguir a súa estela na auga. Pola súa parte, Iago continuaba en regata en oitava posición, sabendo que o salto da boia, ó final, lle ía pasar factura. Cando xa enfilaban o último tramo da regata, con Xoel véndose gañador, a desgraza volveuse a cebar con Iago que, por efecto da marea, encallou nunhas rocas que antes estaban somerxidas. A perda de minutos intentando saír dese “atasco” non serviu de nada; xa que lle caeu a descualificación polo salto da boia na primeira ciaboga.
A explosión de alegría entre os palistas e afeccionados desprazados do Club Kayak foi inmensa cando Xoel cruzaba en solitario a liña de meta erixíndose como o novo Campión Galego Alevín A na distancia de 1.500 metros.
Con estes resultados, o Club Kayak de Foz ocupou finalmente, entre os trinta e catro clubs inscritos, un máis que meritorio décimo terceiro posto na clasificación xeral con 737 puntos.
Campionato Galego Infantil K1/C1 3000 metros
E o domingo foi a quenda para os infantís coa participación de 4 palistas no campionato Galego Infantil K1/C1, na distancia de 3.000 metros. A cita estaba fixada ás 16:00 horas en Boiro e cara alí encamiñouse la mini-expedición; pero, finalmente, disputaríase nas instalacións do club Náutico de Cabo de Cruz.
Alexis, Juan, Paco e Noel tiveron que facer un exercicio extra de concentración para tratar de buscar a zona boa do campo de regatas jalonado de barcos e boias de amarre. Os catro palistas saíron á auga e andaron listos ó facerse con boas posicións de saída entre os 69 palistas que ían disputar esta manga, entre eles, o vixente campión de España da disciplina, Francisco Silva do Club Cofradía Pescadores Portonovo.
Os do Kayak de Foz pelexaron metro a metro ata a primeira ciaboga. A regata se disputaba sobre dúas voltas a un circuíto de 1.500 metros, estando unha das ciabogas cercana á liña de saída. Despois dos primeiros 1.500 metros, no primeiro paso pola liña de meta, as posicións estaban bastante claras, xa que cada un buscaba adaptarse ao seu mellor ritmo posto que quedaba aínda unha volta completa ó circuíto.
En primeiro lugar, e destacado, apareceu Francisco Silva del Club Cofradía Pescadores Portonovo na liña de meta seguido en segundo lugar e a 29 segundos por Samuel Villanueva do CP Verducido-Pontillón e por Marcos García Lestón do CP Taxamar a 38 segundos ocupando a terceira praza do caixón.
No posto 18 entraba o primeiro infantil do Kayak, Alexis Navas, cun tempo de 13:55 a 1:52 do vencedor. 12 segundos máis tarde facíao Juan Rivas ocupando o posto 20, cun tempo de 14:07. Paco Fernández entraba no posto 39 a 3:54 do vencedor e Noel García facíao no posto 51 a 5:16 do vencedor.
A nivel de club e con tan so catro participantes, a clasificación xeral foi discreta, ocupando a praza 23 cun total de 676 puntos.
Dende o Club Kayak de Foz felicitan a todos os benxamíns, alevíns e infantís por esta gran fin de semana de piragüismo; aínda que a tempada non rematou. Quedan por desputar dúas regatas da Liga Deputación (Ribadeo e Foz).
E falando de felicitacións, non esquecen o traballo dos adestradores, Nacho e Vanessa, polas horas dedicadas a este deporte e polo seu esforzo que, de seguir así, se verá recompensado o vindeiro ano.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
