Este xoves, e coa presenza de técnicos de BEGASA e de INELSA, esta última, empresa que desenvolveu o proxecto, púxose en marcha unha nova instalación fotovoltaica en Xove.
Trátase dunha instalación para autoconsumo do Centro Cívico (piscina, pavillón, Casa da Cultura, Concello..). O proxecto, denominado “Instalación de enerxía solar fotovoltaica para consumo no Concello de Xove”, desenvolto como xa dixemos pola empresa INELSA de Sanxenxo, consistiu na instalación de paneis fotovoltaicos na cuberta da Piscina Municipal de Xove. Trátase dunha instalación de ata 36 kw (quilovatios) de potencia nominal. A enerxía que produce esta instalación vértese na rede xeral do Centro Cívico, minorando o consumo eléctrico do mesmo, o cal, loxicamente, vaise ver reflexado finalmente nas facturas que o Concello pague á empresa eléctrica que lle subministra; trátase, polo tanto, dunha instalación que vai a contribuír significativamente a diminuír a factura eléctrica do noso Concello.
Ademais do sinalado, esta instalación ten un gran beneficio medioambiental, xa que con esta instalación contribúese a reducir as emisións de CO2. Segundo a información facilitada pola propia empresa INELSA, a redución é de 0,53 quilogramos de CO2 por cada quilovatio hora producido.
O presuposto inicial desta instalación era de 126.247,90 euros, pero tivo unha importante baixa no concurso de adxudicación, quedando finalmente en 77.516,21 euros. Desta cantidade o Concello aportou uns 20.500 euros, sendo a cantidade restante aportada por unha subvención da Axencia Galega de Desenvolvemento Rural (AGADER).
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
