Mondoñedo, 11 de setembro de 2013- O comité executivo do Partido Popular de Mondoñedo vén de manter unha xuntanza para planificar os traballos a realizar no último trimestre do ano.
Durante a reunión na que participou a presidenta dos populares de Mondoñedo, Elena Candia, marcouse unha liña de traballo e analizáronse os principais problemas que lles está a transmitir a sociedade mindoniense.
Do mesmo xeito, o grupo municipal do PP local agradeceu a axuda e colaboración de todo o equipo ao tempo que deu conta de iniciativas e ideas que trasladarán a futuras sesións plenarias.
Neste senso, a presidenta do PP local agradeceu o traballo desinteresado e comprometido do equipo popular, preocupado pola falta de proxecto do PSOE e do BNG, para os que é o común e aplicable a frase de que “para cada solución, sempre ven un problema”. “Un goberno obsoleto, cansado e sen proxecto”, reiteran os populares.
Obra do entorno da catedral, seminario e Fonte Vella
Dunha maneira máis concreta, entre os temas tratados, fíxose fincapé na preocupación dos populares e dos veciños ante o feito de que o PSOE e o BNG municipal, non sexan quen de darlles unha solución a situación na que se atopa a praza do seminario.
Deste xeito, na reunión explicouse que quedaron sen executar máis de 149.000 euros das melloras ofrecidas pola empresa; ademais de presentarse deficiencias nas xa lavadas a cabo e pagadas.
Os populares consideran que esta situación non pode quedar impune e lamentan a incapacidade do goberno local para resolver os problemas ao tempo que denuncian o incumprimento de compromisos adquiridos.
Dende o PP reiteran que as deficiencias son claras e evidentes na citada infraestrutura, tal e como vén denunciando dende fai tempo, e engade que nunha obra de tanto diñeiro público, máis dun millón de euros, non se debe fomentar ningunha dúbida.
Os populares pregúntanse o porqué o alcalde se nega a crear unha comisión de investigación, tras votar en contra da proposta dos populares. É necesario esclarecer dúbidas, explican os populares, tanto a nós como aos veciños.
Outras demandas
O PP durante a xuntanza tamén acordou trasladar a pleno a petición dos veciños da rúa José María Pardo, tralas inundacións sufridas, ao tempo que pedirá tamén a limpeza dos “graffitis” que levan máis de 5 anos.
De igual maneira, os populares tamén se interesarán en pleno polo estado do edificio do centro comarcal, así planificaron as reunións para informar aos veciños sobre a proposta de trazado do Camiño de Santiago pola localidade.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
