O Deputado de Economía do Coñecemento, Emprendedores e Innovación, Alfredo Llano, desmantelou este venres as “novas mentiras” do Alcalde de Cervo, Alfonso Villares, quen asegurou, por unha banda, que a institución luguesa deixou sen Internet o telecentro deste municipio. Llano aclarou que este servizo prestábase mediante un convenio entre Deputacións, Concellos e Ministerio de Medio Ambiente, que o Goberno Central de Rajoy suprimiu. “Villares bota balóns fóra, culpando a outras administracións dos recortes e mala xestión dos seus compañeiros do Partido Popular”, salientou o Deputado.
“En contraposición cos recortes dos PP”, destacou Llano, a Deputación dota ó Concello de Cervo de acceso a banda longa, ó tempo que implanta a administración electrónica, ofrece formación in situ para o seu funcionamento, leva o equipamento enerxético necesario e mellora o seu portal web. Todo isto, a custe cero para ás arcas municipais, xa que a institución luguesa asume a totalidade dos custes, aforrando a este Concello 300.000 euros.
“Despilfarro de cartos públicos”
Ó respecto do “plan enerxético”, Llano subliñou que “tamén neste caso mente”. A Deputación ofreceu a todos os Concellos da provincia sumarse ó Club dos Renovables, para, en primeiro lugar, realizarlles auditorías enerxéticas a custe cero, aforrándolles os 10.000 euros que custarían no mercado, e, posteriormente, dotalos de novo equipamento enerxético para reducir as súas facturas pola luz ou o gas nun 20%. Malia sumarse en primeira instancia ó Club dos Renovables, Cervo non se sumou a ningún destas iniciativas. “Villares coñecía as vantaxes dos proxectos gratuítos da Deputación, porque así llas notificamos por carta. Nembargantes, preferiu pagar por outra plan da Xunta, e, agora, tenta exculparse ante os seus veciños polo innecesario despilfarro de cartos públicos”.
Ó respecto das praias, o Deputado lembrou que o Alcalde tampouco quixo adherirse á certificación medioambiental de areais, que garante continúas melloras nestes espazos coa ISO 14001, a pesares de que o organismo provincial asumiu a obtención deste distintivo, así como o seu mantemento, aforrando ós Concellos da Mariña que si aceptaron este plan case 100.000 euros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
