O Burela FS Pescados Rubén de 2013-14 presentouse esta tarde ante a afección de Vista Alegre cun rival de luxo, o Inter Movistar, nun partido que finalizou en táboas (2-2) e no que xa se viron mostras dos grandes momentos que pode dar a Primeira División LNFS esta tempada.
O cadro de Juanlu soubo como conter a furia ofensiva que mostrou o Inter Movistar desde o inicio. Tras os primeiros minutos de xogo nos que a defensa laranxa se mantivo impetérrita, tamén chegaron as primeiras tentativas en ataque. Juanma avisou cun disparo escorado, antes de cumprirse o minuto 5, e pouco despois fixeron o propio Matamoros e David, adquirindo aos poucos un maior equilibrio na posesión.
Mantendo hábitos moi saudables, o gol laranxa volveu ter a firma de Matamoros, que inaugurou o marcador no minuto 13, superando a Luis Amado. Pola, preto do largueiro, Batería, só, e Nano Modrego, cun mísil exterior, intentaron sorprender a Edu sen éxito. A dous minutos do descanso Borja conseguiu o empate. No entanto, o olfato goleador de Matamoros volvía activarse; a 50 segundos para chegar ao ecuador o laranxa volveu adiantar o Burela FS, aproveitando un desaxuste defensivo do rival.
No segundo período, as primeiras ocasións foron mariñás, de Iago Míguez, Antoñito e Matamoros. Con todo, quen atopou a portería de rival foi Nano Modrego (minuto 22) a balón parado, tras falta de Iago Míguez. Tras a oportunidade de David, no minuto 25, o pau evitou un potente disparo de Murga. Os burelistas superaron o ecuador da segunda parte, cunha férrea defensa ante a artillería interista e a punto estiveron de anotar o seu terceiro gol desde a área nun despexamento (minuto 32). Os roubos de balóns deron momentos frenéticos nos últimos minutos. Mimi e Batería aínda xeraron perigo por ambos os bandos na recta final.
Antes do asubío inicial, Vista Alegre tamén puido coñecer o novo proxecto das actuais campioas de liga e Copa de España de Primeira División RFEF, que dirixirá o vivariense Quico Otero en 2013-14. Jozi, Lidia Mesías, Claudia, Silvia Rubal, Peque, Lara, Patri, Marcela, Bea Mateos, Maite e Paula presentáronse ante a fiel afección laranxa xunto ao técnico, o preparador físico, Pablo Díaz, e o auxiliar, Ramón Cordido, antes de internarse na súa primeira gran aventura da tempada, a Supercopa. As mariñás terán o seu primeiro partido ante o Atlético de Madrid Navalcarnero o domingo 8 (La Estación, 13.00 horas); a competición decidirase en terras galegas o sábado 14 (20.30 horas).
Ficha técnica
Burela FS Pescados Rubén: Edu, Mimi, Antoñito, Matamoros e Iago Míguez, no cinco inicial; tamén xogaron David, Juanma, Christian, Carlitos, Álex
Inter Movistar: Luis Amado, Borja, Rafael, Ortiz e Rivillos, no cinco inicial; tamén xogaron Batería, Murga, Pola, Tobe, Nano Modrego, Rubén
Goles: 1-0, minuto 13, Matamoros; 1-1, minuto 18, Borja; 2-1, minuto 19, Matamoros; 2-2, minuto 22, Nano Modrego.
Árbitros: Fidel González Armada e Álvaro Cid Bragado
Tarxetas: Por Inter, amarela a Nano Modrego (minuto 19), Batería (minuto 32), Rivillos (minuto 34). Por Burela FS, amarela a Mimi (minuto 32)
Incidencias: Partido de presentación 2013-14 do Burela FS, con Inter Movistar. Minuto de silencio en memoria dun familiar do xogador interista Nano Modrego. En torno a 900 espectadores.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
