O campión de Primeira División RFEF inicia a defensa da súa coroa ante o Soto del Real, mañá, ás 18:30 horas, arroupado pola afección da Mariña. O Burela FS Pescados Rubén afronta a primeira xornada con ganas e ilusión por reeditar os éxitos conseguidos e para iso o seu primeiro obxectivo é manter Vista Alegre como un parapeto. Pola súa banda, o cadro madrileño, que finalizou oitavo na pasada campaña, encara unha nova tempada co propósito de afianzarse entre os equipos da zona media alta da clasificación.
“Comezamos coas ilusións intactas, estamos desexando empezar xa, para iso nos estivemos preparando; unha das nosas principais motivacións é a defensa do título” declaraba con entusiamo o adestrador laranxa, Quico Otero, que lamenta non poder estrearse na competición co cadro ao completo: “O equipo está preparado para iniciar ben a liga, aínda que con efectivos xustos. Jozi, Paula e Marcela están en proceso de recuperación; intentaremos reincorporalas canto antes para non resentirnos a longo prazo”.
Do rival desta primeira xornada o técnico laranxa destaca principalmente “o seu xogo agresivo”. “É un equipo bo no un contra un, sobre todo si ten espazos e ten grandes pegadoras de lonxe, aínda que tamén contará coa baixa dun dos seus baluartes, Pitu”. Para Quico Otero a clave de que os tres puntos queden en Burela radicará “en realizar boas coberturas e en evitar que o Soto teña pegada desde antes dos 15 metros”, un equipo, que mantén o bloque de 2012-13 con tan só dúas caras novas, Ana de la Chica e Clara Rodríguez.
O conxunto sotorrealeño partirá cara á Mariña esta noite. Iván Igea convocou para a cita a Anita, Marlasca, Martica, Anilla, Clara, Patry, Chili, Jiménez, Senis e Coral. Serán baixas Elena e Pitu, por lesión, e Tayra por motivos persoais.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
