Barreiros, 21 de setembro de 2013. O BNG de Barreiros esixe por escrito e a través do rexistro municipal toda a documentación relativa ao empadroamento dunha anciá discapacitada por parte de dúas persoas para as que o fiscal solicita 6 anos de prisión pola comisión dun presunto delito.
Do mesmo xeito, os nacionalistas solicitan unha relación dos empadroamentos efectuados no concello ao longo de todo o 2007 así como unha aclaración do procedemento seguido, co fin de poder saber como é posible que se empadroen persoas no concello sen que esas mesmas persoas sexan conscientes diso.
O BNG pedirá tamén que se lle facilite o acceso a todos os contratos de obra e/ou de servizos asinados entre Alfonso Fuente e M.J.L.V (unha das persoas encausadas) ou entre Alfonso Fuente e as empresas nas que M.J.L.V ten parte, desde o ano 2007 até hoxe.
O BNG levará todos estes asuntos ao próximo pleno ordinario a celebrar pola corporación barreirense o próximo 30 de setembro. “A situación é o suficientemente preocupante, polo que é necesario que por parte do alcalde se explique xa dunha vez todo o acontecido” afirman desde a formación frontista.
Para os nacionalistas, son moitas cousas as que quedan agochadas e silenciadas nos 8 últimos anos no Concello de Barreiros, curiosamente nos 8 anos que Alfonso Fuente leva á fronte do goberno municipal, 8 anos de irregularidades, onde o Partido Popular puxo o nome de Barreiros en sospeita permanentemente. “8 anos de mandato de Alfonso Fuente nos que a eficiencia e a transparencia brillaron pola súa ausencia”, din desde o BNG. “A eficiencia e a transparencia non se consigue só con aplicación informáticas” ironizan tamén os nacionalistas.
Desde o BNG urxen a aclaración de todos estes feitos que se produciron en pleno boom urbanístico no concello de Barreiros. A relación entre os encausados e o Alcalde era pública e notoria non só pola actividade profesional desenvolvida por estas dúas persoas dedicadas á promoción inmobiliaria e compraventa de terreos, senón tamén pola defensa a ultranza que as mesmas fixeron en plena campaña das municipais de 2007 da desastrosa xestión urbanística do PP no concello. Ademais M.C.F.M, (outra das persoas encausadas), veciña de Barreiros en cuxo domicilio se empadroou a anciá discapacitada, presidiu a plataforma Bítere que se caracterizou sempre por trasladar a mensaxe do Partido Popular a respecto da política urbanística en Barreiros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
