Foz a 20 de setembro de 2013.-O BNG de Foz presentou unha moción para aprobar en pleno para instar á Xunta de Galiza a rematar a construción da Residencia e do Centro de Día no 2015, para que se amplíen as prazas e para que a xestión sexa totalmente pública.
O PP discrimina a Foz, coma sempre
A Xunta de Galiza, gobernada polo PP, desde o ano 2009 non fixo máis que demorar a posta en marcha da Residencia de Foz a pesar de ser unha necesidade perentoria. Primeiro, tardando un ano en elaborar un “estudo de viabilidade” (de dous folios) que non se lle esixiu a ningunha outra localidade da Mariña. A continuación, tardouse outro ano en elaborar un anteproxecto urbanístico que se presentou nos medios de comunicación no mes de outubro do ano pasado. E finalmente outro ano en realizar o proxecto definitivo que parece ser será presentado antes de finalizar este ano. Foz é ao día de hoxe o único concello da Mariña que non conta con Centro de Día nin con unha Residencia públicas. Incluso poboacións da comarca da Mariña con menos peso poboacional contan actualmente con Centro de Día e/ou Residencia a pesar de tramitarse a súa solicitude con posterioridade á de Foz.
Tirón de orellas á conselleira Beatriz Mato
Desde o BNG temos que dar un tirón de orellas á conselleira Beatriz Mato pois a Corporación Municipal en pleno e por unanimidade solicitoulle en varias ocasións unha reunión á que aínda nin sequera respondeu, dando mostras dunha falta de respecto institucional intolerable. E isto cando para asuntos similares se ten reunido con outras organizacións sociais e representacións municipais doutros concellos.
Os compromisos por escrito e con acompañamento orzamentario
Para o BNG o compromiso da Consellería de Benestar de orzamentar 500.000 euros no próximo ano resulta insuficiente se realmente se pensa rematar a obra no horizonte do 2015 como o PP de Foz e a Xunta prometeron reiteradamente. Hai que darse conta que estamos a falar dun custe total da obra que se aproxima aos 3.000.000 de euros polo que a partida do 2014 só representa a sexta parte do total.
Por este motivo na moción instase ao Goberno Galego da Xunta de Galiza a incluír unha partida nos Orzamentos autonómicos do 2014 suficiente para que se garanta o inicio das obras nesa anualidade e o seu remate no ano 2015.
Máis prazas que as proxectadas polo PP
Para o BNG as prazas que o PP ten pensado ofertar serían insuficientes porque o Concello de Foz é o terceiro en número de poboación da Mariña. O edificio está proxectado só para 40 prazas na Residencia e 40 prazas no Centro de Día cando inicialmente sempre se falou de alomenos 120 prazas, entre Residencia e Centro de Día. No Concello de Foz estaban censados máis 2.300 maiores de 64 anos no ano 2011. Esta cifra supón case o número total de habitantes de poboacións que contan xa cun Centro de Día para 30 usuarios como Vilanova de Lourenzá ou máis da metade da poboación de localidades nas que a Xunta do PP vai abrir residencias con centro de día para 78 persoas como o caso de Cervo. Por este motivo, o BNG insta á Xunta de Galiza que a capacidade da Residencia de Terceira Idade de Foz sexa maior das 40 prazas previstas e que ronden ás 80 prazas e dotada dun Centro de Día para 50 prazas como sempre se defendeu desde o Concello.
Non á xestión privada da Residencia
Por outro lado, O BNG de Foz está en contra de que a xestión sexa privada e por iso insta á Xunta de Galiza para que a xestión do Centro Residencial de Día sexa totalmente pública pois é a garantía de transparencia na xestión, de igualdade e xustiza á hora de acceder ás prazas, e por asegurar un servizo de calidade para os nosos maiores.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
