O Burela FS Pescados Rubén arrincou a nova aventura de liga 2013-14 con empate na casa ante o Soto del Real (1-1). As pupilas de Quico Otero, con dominio na pista e vantaxe no luminoso ata a recta final, mereceron máis; o tanto das madrileñas a catro minutos para o final outórgalles ás laranxas un punto que sabe a pouco.
Optaron as burelistas pola posesión do balón desde a bucina inicial marcando os tempos. O primeiro grande oco atopouno Maite no minuto 3, ao bordo da liña de meta, a pase de Peque. Pouco a pouco, o Soto tamén intentou adiantar filas, aínda que sen chegadas de perigo. Superado o ecuador da primeira parte, Lara desaproveitou unha colaboración longa de Lidia e Peque non puido controlar un balón morto ante Anita. En torno ao 12, Lidia dispuxo dun disparo en xogada de estratexia, que se lle foi moi alto, e pouco despois Bea Mateos intentou sorprender a portería rival tamén desde balón parado. Maite volveu intentalo no 13, cun lanzamento raso escorado que case roza o pau. Despois de que as sotorrealeñas contasen coa súa ocasión máis clara, rozando o pau nun lanzamento alto (minuto 15), por fin se materializou o dominio do Burela FS; no minuto 16, Lidia Mesías transformou en vantaxe un pase cruzado de Bea Mateos que recibira de lonxe de Peque.
Tras o descanso as visitantes buscaron a sorpresa sobre a meta galega. No 23, a escuadra laranxa desbaratou unha tentativa afastada do Soto. Peque tamén quixo facer o propio roldando o 25, obstaculizada por Anita. Máis tarde, Patri estivo acertadísima cos pés para sacar unha rápida chegada de Chili sobre a área galega e Lara despexou un rexeitamentos logo dun corpo a corpo de Laura Jiménez sobre Lidia, que tombou á mariñá. Pero volveron as burelistas á carga. Nas zapatillas de Maite, desde saque de esquina, puido estar o segundo gol das con brillo laranxa, antes de cumprirse a medianía da segunda parte. No 31, a bancada de Vista Alegre a punto estivo de cantar unha nova fazaña de Lidia, empuxando un balón perdido na área que acabou despexando a defensa sotorrealeña a piques de coarse na meta visitante. Cando menos o merecía o Burela FS Pescados Rubén, chegou o empate do Soto, cun potente disparo de Patri (minuto 36). Maite, de lonxe, e Peque aínda tiveron magníficas ocasións para facerse co electrónico no último minuto de xogo, sen tempo para máis.
Ficha técnica
Burela FS Pescados Rubén: Patri, Claudia, Peque, Bea Mateos e Maite, no cinco inicial; tamén xogaron Lidia Mesías, Lara
VP Soto del Real: Anita, Chili, Patri, Coral e Martica , no cinco inicial; tamén xogaron Laura Jiménez, Clara, Anilla
Goles: 1-0, minuto 16, Lidia Mesías; 1-1, minuto 36, Patri
Árbitros: Alcón Marcos e Fernández Formoso, do colexio asturiano
Tarxetas: Por Burela FS amarela a Bea Mateos (minuto 38)
Incidencias: Partido disputado en Vista Alegre correspondente á 1ª xornada de Primeira División RFEF. Arredor de 600 espectadores
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
