O GPP rexistrou unha solicitude de Xunta Xeral Extraordinaria de SUPLUSA para esixirlle a Besteiro que readmita aos traballadores deste organismo

Lugo, 22 de setembro de 2013.- Posto que existe unha sentenza firme que manifesta que o despedimento dos traballadores de SUPLUSA foi improcedente, o grupo provincial do PP rexistrou unha solicitude de Xunta Xeral Extraordinaria de SUPLUSA para esixirlle ao Señor Gómez Besteiro, que readmita aos traballadores de este organismo.

“Non estamos dispostos a admitir a dilapidación de diñeiro público que supón ademais que se “asesinen” os dereitos dos traballadores”- manifestan os populares.

Asemade, o GPP lembra que é a terceira vez que se debate este tema en diferentes órganos, tales como, na sesión plenaria provincial coma na Xunta Xeral de SUPLUSA pero que Gómez Besteiro desoe, desobedece e ignora un acordo do órgano supremo de esta sociedade que preside.

Conclúen os populares poñendo de manifesto que este desoír e este ignorar de Besteiro afecta a administración da sociedade posto que non readmite a estes traballadores unha vez que o xulgado, de xeito firme, declarou a improcedencia dos despedimentos.