Lugo, 18 de setembro de 2013. O Grupo Provincial do Bloque Nacionalista Galego na Deputación Provincial de Lugo defenderá, no vindeiro pleno, que se celebrará o martes 24, unha moción na que se insta ao Goberno galego a tomar as medidas necesarias para paliar os danos causados pola vaga de lumes e aprobar unha nova política contra os incendios.
Así o anunciou o deputado provincial e vicepresidente da institución, Antonio Veiga, quen denunciou que “a política forestal e agrogandeira do Partido Popular non só é destrutiva coas potencialidades do agro galego, ao expandir a desertización e abandono de zonas do territorio e permitir a introdución en masas forestais con especias como piñeiros e eucaliptos en zonas próximas aos núcleos de poboación, senón que, ademais, contribúe a alimentar os factores que propician os lumes”.
O deputado nacionalista insistiu en que “os sucesivos gobernos populares destinaron inxentes cantidades de fondos económicos a subvencionar o abandono da actividade agraria e agora o mapa de incendios demostra que a incidencia dos lumes é moito menor nas comarcas onde a actividade agraria mantén unha presenza elevada”.
Desde o Grupo Provincial do Bloque na Deputación lucense acúsase á Xunta de Galiza de adoptar unha serie de medidas que agravaron a desprotección do territorio e das persoas ante a ameaza de incendios forestais, de promover medidas lexislativas consistentes na eliminación ou redución das distancias de separación das plantacións forestais aos núcleos rurais e de eliminar actuacións coas que se pretendía implicar á poboación na xestión e defensa do monte, como son a desaparición do voluntariado do monte ou das axudas para brigadas de prevención das propias comunidades de montes, entre outras.
Antonio Veiga afirmou que os “os recortes indiscriminados aplicados polo PP desde 2009 tamén afectan de cheo a un dispositivo de emerxencias e seguridade, como é o da loita contra o lume, que retornou a un nivel de recursos similar ao de hai unha década, o que se agrava por unha nefasta xestión administrativa que demorou a posta en funcionamento dos dispositivos até moi avanzada a época de alto risco, así como a case total eliminación de actuacións preventivas básicas. Finalmente, as circunstancias obrigaron ao Goberno galego a retomar un modelo de dispositivo fracasado, co regreso de brigadas municipais, sen unhas mínimas esixencias profesionais e que favorecen a fragmentación do mando único do dispositivo.”
Para os nacionalistas “o monte volve estar desprotexido pola incapacidade do o PP que teima en políticas que afastan á poboación do rural e que favorecen un modelo produtivo intensivo sen ter en conta unha mínima ordenación dos cultivos. O resultado é o que hai máis combustíbel nos montes e terras de cultivo que nunca”.
Por todos estes motivos o Grupo Provincial do Bloque buscará o apoio do resto de formacións políticas para solicitar á Xunta de Galiza a revisión inmediata do dispositivo de defensa contra os lumes e que, xunto co Goberno central, adopte medidas urxentes para paliar os danos da vaga de incendios, así como para recuperar o monte afectado.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
