Mondoñedo, 27 de setembro de 2013- O Partido Popular de Mondoñedo iniciará unha campaña informativa sobre a situación do Plan Xeral de Ordenación Municipal (PXOM). Os populares iniciarán o próximo día tres de outubro unha rolda de visitas polas parroquias tras que no pleno celebrado onte se acordara dar continuidade á tramitación do PXOM, logo das reivindicacións trasladadas polos populares dada a inexplicable paralización na que se atopaba.
O Partido Popular de Mondoñedo tamén abrirá a sede local, os sábados de 10:00 a 13:00 horas, e nas que poñerá a disposición dos mindonienses a documentación que obra no seu poder. Neste senso, os populares matizan que se abrirá un período de información pública durante dous meses, previa á formulación do documento preciso para a aprobación provisional do Plan Xeral.
Desta maneira, o PP local proponse un traballo co equipo de goberno do Concello de Mondoñedo, para adiantar neste instrumento necesario. Os populares intentarán este consenso, pese a que, segundo matizan, é certo que Orlando González en seis anos só mantivo unha reunión de escasos vinte minutos co PP local, para “informalos de cousas que logo non se cumpriron”.
Os populares explican que en maio de 2011, o alcalde os convocou informando da próxima aprobación provisional do PXOM en decembro dese mesmo ano; porén pasaron dous anos ata que se levase a pleno dar continuidade á tramitación do Plan.
“O PXOM é un instrumento necesario e neste momento debemos colaborar todos”, porén lamentan a paralización na que se atopaba logo da cantidade de diñeiro público invertido, e máis tendo en conta que o PP local ten información de que o documento estaba listo para aprobarse dende finais de 2010, pero “naquel momento, próximo aos comicios locais non interesou sacar este trámite adiante”, lamentan dende o PP.
Orlando González encarece impostos e suprime servizos
Na sesión plenaria celebrada onte, o PP local votou en contra dun incremento do custo dos nichos, e censura que dende que goberna Orlando González “é indiscutible que vivir en Mondoñedo é máis caro”.
Os populares explican que as políticas sociais que reclaman dende o PSOE e o BNG onde non gobernan, “son incapaces de poñelas en práctica cando teñen a posibilidade de facelo”. Dende o PP local lamentan o voto en contra do equipo de goberno á hora de solicitar que a Deputación cumpra en materia de servizos sociais e colabore cos municipios tal e como recolle a lei.
Dende o PP matizan que a forma de gobernar de Orlando González é o exemplo máis claro de que as forzas de esquerdas cando gobernan encarecen os impostos e suprimen servizos. O interese do que alardean reclamando servizos a través de pancartas, méteno en caixas cando teñen a posibilidade de aplicalas, matizan dende o PP en referencia ao PSOE e ao BNG.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
