Cervo, 27 de setembro de 2013- O pleno da corporación de Cervo celebrado este xoves aprobou a Conta Xeral de 2012 que rexistra un superávit de 258.000 euros e na que se constata a boa saúde económico-financeira das arcas municipais. Unha situación que permite ao goberno local manter o compromiso de non subir os impostos ata 2015. Unha conta que obtivo os votos a favor do grupo popular e a abstención da oposición.
O pleno tamén acordou solicitarlle a Costas a propiedade da Casa do Mar para que o Concello poida dispoñer dela e darlle un uso en beneficio da veciñanza. O trámite consistiu en pedir á Dirección Xeral de Costas a desafectación da Casa do Mar e do parque Reina Sofía do dominio público marítimo terrestre. Un punto que saíu adiante por unanimidade. “Solo faltaba que o PSOE votase en contra despois de que o Goberno de Zapatero bloquease durante catro anos todos os trámites” asegura a edil de Facenda e Emprego, Yolanda Pedreira.
A concelleira lembra como este edificio quedara baleiro e sen uso no 2008. A partir de entón, o Concello enviou multitude de escritos á delegación en Lugo da Tesourería Xeral da Seguridade Social para procurar unha solución, “peticións que nunca obtiveron resposta e, o que é máis grave, nunca saíron dos despachos de Lugo e nunca se leron en Madrid, onde tiñan que axudarnos a atopar unha saída”.
“Todos os retrasos debémosllos ao Goberno do PSOE”, polo que a edil considera “un descaro” que os socialistas de Cervo “veñan agora a criticar cando durante catro anos impediron calquera trámite relacionado coa Casa do Mar”. A mostra está en que tras o cambio de responsables no Goberno do Estado, no 2012, o proceso desbloqueouse coa visita do director provincial do INSS e nas sucesivas reunións co subdelegado do Goberno nas que se expuxeron as posibles solucións, sendo a desafectación a mellor saída. A sesión plenaria continuou cos festivos locais de 2014, aprobados por unanimidade.
Mocións
Tras os debates sobre estes puntos comezou a quenda das mocións. O grupo popular propuxo manifestar o rexeitamento e condena ao terrorismo, incluíndo o levado a cabo por Resistencia Galega, unha proposta que saíu aprobada cos votos de PP e PSOE mentres o BNG votou en contra. “Non deixa de ser chamativo que un grupo democrático non se manifeste en contra da violencia de Resistencia Galega, declarado grupo terrorista pola Audiencia Nacional” asegura Pedreira.
O pleno tamén debateu outra moción do grupo popular, na que se solicitaba a devolución dos salarios percibidos polo asesor do BNG na Deputación, Xoán Antón Estúa. Unha proposta que foi tratada xunto a outra moción relativa á dimisión do vicepresidente primeiro da Deputación e a reprobación da trama do persoal que está ao servizo do BNG pero a soldo dun área de goberno da administración provincial. Ambos asuntos obtiveron os votos negativos da oposición e saíron adiante unicamente cos do grupo de goberno. Idéntico resultado nas votacións tivo a moción do PP na que se denunciaba o incumprimento da Deputación en materia de políticas de benestar e no financiamento dos servizos municipais de axuda no fogar.
Condena ao franquismo
Ao mesmo tempo, o grupo de goberno anuncia que, no próximo pleno ordinario, abordarase unha proposta de alcaldía relacionada coa represión franquista que contará, literalmente, co seguinte texto: “O Pleno da Corporación Municipal de Cervo acorda expresar a condena unánime á represión franquista neste Concello así como o apoio a todas as vítimas oriúndas ou veciñas do concello”.
Unha proposta que a alcaldía e o goberno municipal pretenden que “saia adiante co apoio de todos os grupos políticos”, explica Pedreira. Desta forma, pretenden evitar xestos “irresponsables” como o que mostrou o BNG de Cervo neste pleno, no que presentou unha moción que reclamaba a destitución do alcalde de Baralla e a restitución da memoria dos represaliados cervenses polo franquismo nun mesmo texto.
“Non é serio nin respectuoso mesturar dous asuntos coma eses nunha mesma moción” engade a edil. De feito, durante este pleno o grupo municipal popular presentou unha emenda de substitución na que só se inclúe a condena aos represaliados e o apoio ás vítimas, que foi rexeitada polo BNG. “A actitude do señor Estúa demostra que o seu único interese era condenar ao alcalde de Baralla, e non apoiar aos represaliados do franquismo” remata Pedreira.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
