Lugo, 27 de setembro de 2013.- O Grupo Provincial do Partido Popular de Lugo suspende a xestión de José Ramón Gómez Besteiro en materia de conservación da rede viaria e de colaboración da Deputación de Lugo cos concellos da provincia. En concreto, os populares censuran que Gómez Besteiro se convertese no único presidente das administracións provinciais galegas que abandona aos municipios e non cumprimenta a totalidade do Plan de Obras e Servizos.
Os populares amparan estas afirmacións en datos que amosan a discriminación e o abandono que están a sufrir os municipios por parte da Deputación de Lugo, onde os socialistas e os nacionalistas manexaron unha importante dotación orzamentaria para esta finalidade.
En concreto, dende o Grupo Provincial do Partido Popular de Lugo explican que mentres a rede viaria presenta un lamentable estado de conservación, a Deputación Provincial de Lugo dispuxo dende 2007 de máis de 122 millóns de euros para novas infraestruturas e a adecuación de estradas.
Os populares reproban que existan moitos cartos gastados e as estradas de titularidade provincial amosen un pésimo estado, que deu lugar a protestas por partes dos veciños e dos alcaldes, tal e como aconteceu, exemplifican os populares, no Páramo.
“É lamentable que dende a Deputación de Lugo rescindan obras que xa estaban adxudicadas e que se converten nunha importante demanda para os veciños ao tratarse dunha zona que presenta risco para os condutores”, manifestou a voceira dos populares, como un dos moitos exemplos da pésima xestión de Gómez Besteiro, que suspende en materia de conservación da rede viaria provincial e construción de novas infraestruturas.
O POS lucense, tardío e insuficiente
Os populares pregúntanlle a Gómez Besteiro se considera cumpridas as súas competencias reguladas por lei, coa achega dunha media de 14.000 euros aos concellos, dentro do POS, cando se trata dun plan provincial, que están obrigados a redactar anualmente todas as deputacións.
Dende o Grupo Provincial do Partido Popular consideran insuficiente a achega da Deputación, que para a rede viaria municipal se resume en 900.000 euros, e que se contrapón a outras colaboracións, como é a da Deputación da Coruña, que dispón dun plan dotado de 24 millóns de euros.
Así, os populares explican que mentres a Deputación da Coruña se fai cargo do 100% do servizo, e a de Ourense, cun plan máis ambicioso, sufraga ao 75% do custe das obras municipais, a de Lugo só achega o 50%.
Os populares presentaron alegacións ao POS 2013, solicitando o incremento da contía, da porcentaxe aportada pola Deputación, así como que parte desta achega se puidese destinar a gasto corrente; sendo desatendidas polo equipo de goberno.
“É un plan insuficiente e tardío”, matiza Candia, quen explica que mentres a da Coruña anunciou o POS 2013 en outubro do 2012, e a Deputación de Ourense aprobou inicialmente o Plan en abril; a de Lugo levou a proposta ao pleno de setembro.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
