O PSdeG provincial de Lugo denuncia que a Xunta “está a darlle a empresas privadas o negocio dos comedores escolares a costa da supresión de servizos públicos no rural e de cobrarlle a 7.000 familias lucenses”. Así, os socialistas destacan o caso do CEIP da Ponte de Doiras, en Cervantes, onde o goberno galego suprimiu o servizo de comedor e agora págalle máis de 30.000 euros (24.957 euros máis IVE) a unha empresa privada para que transporte a comida ata o centro desde o CPI de Cervantes e leve persoal. “O goberno de Feijóo debe explicar quen sae perdendo aquí, se a empresa en cartos ou os nenos en calidade, e a resposta parece clara, e queremos saber por que a administración pública suprime servizos supostamente para aforrar que despois lle resultan rentables a unha empresa privada”, afirma o secretario de Educación na provincia, Carlos Ferreiro.
Por outra banda, os socialistas veñen de recibir queixas de pais de zonas do rural que solicitaron a posibilidade de mandarlles aos nenos comida da casa para non afrontar o repago do comedor, e que “recibiron a negativa dos centros, porque din que as empresas que xestionan o comedor non poden facerse cargo deses alumnos nin hai posibilidade de habilitar unha zona para que coman porque non terían coidador”. Polo tanto, os pais “vense obrigados a pagar o comedor”, censura Ferreiro. “Parece que a única opción sería pagar ou que os nosos fillos comesen un bocadillo fóra do recinto, no patio, porque a Xunta non dá ningunha outra alternativa”, afirma Fe Álvarez, coordinadora do PSdeG na Montaña lucense e ademais afectada en primeira persoa polo repago. “Ou pagas ou o teu fillo queda marcado, nunha política que fomenta as desigualdades e fai que os rapaces non sexan iguais á hora de ir á escola e pagar, cando as diferenzas deberían estar xa no pago de impostos”.
Mocións en todos os concellos por unha medida que “é ilegal”
O PSdeG presentará mocións en todos os concellos da provincia de Lugo para rexeitar o decreto do repago dos comedores que, lembran, “é ilegal”, coa fin de que os alcaldes do PP “deixen clara a súa postura e se están tamén dacordo con esta medida por partidismo ou se apoian realmente as familias e a legalidade vixente”. Os socialistas lembran que no artigo 82 da Lei Orgánica 2/2006 do 3 de maio de Educación di expresamente que “na educación básica, naquelas zonas rurais en que se considere aconsellable, poderase escolarizar os nenos nun municipio próximo ao da súa residencia para garantir a calidade da ensinanza. Neste suposto, as Administracións educativas prestarán de forma gratuíta os servizos escolares de transporte e, no seu caso, comedor e internado”.
Por outra banda, desde o PSdeG critican que co criterio do IRPF, no que a Xunta ten en conta os datos de 2012 para calcular a renda dunha familia, danse situacións nas que algún dos pais cambiou de situación laboral ou quedou en paro e ten que pagar máis do que lle corresponde, ao igual que non se teñen en conta outros aspectos como os pagos de taxas de sociedades e empresas.
4.000 nenos pagan case 100 euros mensuais en Lugo
O PSdeG lembra que co novo decreto máis de 7.000 nenos na provincia teñen que pagar polo comedor, 4.000 deles case 100 euros ao mes, e que por exemplo unha familia que gañe 1.000 euros netos mensuais ten que pagar polo servizo, “polo que é vergoñento que a Xunta trate de vender a historia de Robin Hood de quitarlle aos ricos para darlle aos pobres, porque iso non ten a máis mínima credibilidade”. Ademais, “o prezo do menú nin sequera é real, xa que un informe da CEAPA de 2011 afirma que o prezo medio do menú escolar en Galicia é de 4,1 euros e hai pais que pagarán 4,5, así que a dereita pretende que os pais paguen a súa mala xestión e crise que eles non provocaron”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
