O PSdeG da provincia de Lugo asegurou que, co recorte de 49 unidades escolares e 67 mestres en só 2 anos, “a dereita de Feijóo pasará á historia por destruír a educación pública e de calidade no rural lucense”. Desde 2010, hai no total da provincia 546 docentes non universitarios menos, “ou iso din os datos da Consellería de Facenda, aínda que Educación fala da metade, así que deben explicar a que se debe isto”. Asimesmo, elimináronse 5 centros e 72 unidades de ensino, segundo datos da propia Xunta, mentres que o número de alumnos aumentou en 943. “Están a aplicar a fórmula perfecta para acabar coa educación pública: reducen dereitos e recursos e impoñen repagos mentres potencian o privado e o que segrega o alumnado por razón de xénero, a pesar de que o TSXG o considera ilegal”, denunciaron a deputada socialista no Parlamento galego Concepción Burgo e o secretario de Educación do partido en Lugo, Carlos Ferreiro.
O curso 2013-2014 de Infantil e Primaria arrancou de feito na provincia “cun novo golpe” ao ensino por parte da Xunta, xa que o 43% das familias terán que repagar o servizo dos comedores escolares en lugar do 12% que o viña facendo ata agora. Isto significa que unhas 7.000 familias terán que pagar o comedor escolar, e máis de 4.000 pagarán case 100 euros mensuais. A todo isto, recalcaron, engándense os sucesivos recortes xa acometidos nos últimos catro anos pola dereita de Feijóo: “todos os centros teñen menos orzamento que en 2009; baixaron as axudas para libros, bibliotecas e normalización lingüística; acabaron con todo un modelo sociopedagóxico como Preescolar na Casa; atrasos nas transferencias económicas para comedores ou empeoramento das condcións sociolaborais do profesorado”.
“Os recortes do PP sacrifican a calidade educativa e a igualdade de oportunidades, converten o ensino nun privilexio, só ó alcance de quen o poida pagar, e contribúen ó desequilibrio territorial e ó despoboamento xa gravísimo que vive a provincia de Lugo”, asegurou Concepción Burgo, recalcando que as “graves consecuencias destas medidas, adoptadas sen o apoio de ninguén e pola porta de atrás, unha vez rematado o curso escolar, sófrenas as familias e os nenos, sobre todo do noso rural”.
Os danos das políticas do PP
Como mostras do dano que provocan as políticas de Feijóo, Burgo destacou que os nenos de Ribeira de Piquín, tralo peche do seu colexio, “teñen que viaxar dúas horas ó día en autobús para estudar en Meira”; no centro público de Samos hai soamente 3 profesores para alumnos de 9 cursos diferentes, “ningún deles especializado en Infantil a pesar de que hai nenos desta etapa”; e o reagrupamento de alumnos é cada vez maior, dándose casos como o de Cervantes, no que un mestre ten que atender a rapaces de 5 idades distintas. De feito, catro concellos da Montaña lucense –Samos, Cervantes, Navia de Suarna e O Incio- quedáronse este curso sen 5 profesores especializados en Infantil.
“Reformas ideolóxicas”
Outra mostra evidente “da intención do PP de aproveitar a crise como coartada para aplicar as súas reformas ideolóxicas máis duras en educación é o brutal tixeireitazo de 739 millóns de euros que a Xunta aplicou nos orzamentos para educación en Galicia dende o ano 2010, o segundo máis grande dos que levou a cabo no ámbito social despois da área de sanidade, que baixou en 847 millóns”, argumentou Carlos Ferreiro. Tamén deixa á luz a súa aposta clara por un modelo de privatización a decisión, recentemente denunciada xa polos socialistas, de entregar 300.000 euros a unha empresa para impartir formación de inglés en sexto de Primaria e Secundaria, así como as subvencións de 240 millóns de euros ó ensino concertado, e os 3 para os centros que segregan por xénero, a pesar de que o propio Tribunal Superior de Xustiza de Galicia (TSXG) declarou ilegal este modelo.
Ferreiro cualificou de “inadmisible” que a Xunta gaste cartos en campañas de propaganda animando a ter fillos, cando non fai máis que reducir servizos públicos imprescindibles para crialos” . O socialista esixiu así mesmo ó Goberno autonómico que “tome conciencia dunha vez do deterioro da educación pública que as súas políticas están a provocar na provincia e repoña os investimentos, as axudas e os profesores. O que esixe esta crise é blindar as políticas sociais porque, lonxe de ser un problema, a educación é unha solución para loitar contra o desemprego e saír desta situación”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
