Sara Cuíña, nacida en Pontedeume e de 19 anos de idade, incorpórase a partir desta semana ó equipo de Nacional ó igual que a todopoderosa pívot Rocío Varela, unha das xogadoras destacadas da temporada pasada.
Sara, formada nas categorías inferiores do Pontumio estivo formando parte a temporada pasada da primeira plantilla do Durán Maquinaria Ensino disputando bastantes minutos como base. Non saía no 5 inicial pero si era unha das fixas nas rotacións de Javi Muñoz. Este ano a base prefire dar un paso atrás para logo dar dous adiante, e seguir formándose a base de xogar moitos minutos. Polo tanto, terá ficha de Nacional e estará tamén á disposición do primeiro equipo.
Ademais, Rocío Varela seguirá estando na mesma situación que a temporada pasada despois de chegar onte a un acordo coa directiva. Seguirá dispoñendo de ficha de Nacional e alternará partidos tamén co primeiro equipo. Rocío foi unha das claves do ascenso co seu xogo interior, destacando ademais a súa habilidade no manexo do balón a pesar de xogar como pívot.
Así pois, 3 serán as xogadoras sub-23 que estean vinculadas ó equipo de Liga Feminina: Sara Cuíña, Rocío Varela e a santanderina Tamara Montero. Ademais estarán a disposición de Juan Nécega Andrea Meilán, Marly Varela, Sabela Uriz e Marta García que xa adestran esperando o debut do 5 de outubro diante do Universidade de Salamanca xunto coas júnior de Liga Galega que tamén terán minutos en Nacional.
Con estas incorporacións dase case por pechada a plantilla, salvo que xurda unha incorporación interesante para xogar por dentro da zona.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
