Jaime Cancio Rodríguez, Ana Mª López Campoamor, Mª Ángeles Veiga Varela en representación do grupo Municipal UNIFOZ na Corporación Municipal de Foz veñen de presentar dúas mocións sobre “a parálise administrativa local” e solicitando acordos co Instituto Nacional da Seguridade Social, a Facenda autonómica e a Deputación Provincial “para que o Concello poda expedir certificacións destes organismos”.
Por unha banda, esixen o acordo da corporación para solicitar da Consellería de Traballo e Benestar da Xunta de Galicia, axuda extraordinaria para a contratación de persoal administrativo e reforzar os servizos correspondentes.
Esta demanda débese a que “o concello está a sufrir unha parálise administrativa total, debida a falta de planificación e organización do persoal”, segundo o voceiro de Unifoz, Jaime Cancio. Ademais, engade que “como mostra da situación podemos mencionar que o contrato de mantemento de alumeado, das Escolas Deportivas e de atención a dependentes están vencidos e pendentes de sacar a concurso. Así mesmo, o contrato de limpeza, de xestión das sancións e de actualización do IBI tamén está pendente de concurso”.
“Unifoz fixo proposta de recuperar a xestión pública de algúns servizos, algo que o equipo de goberno non atendeu”, recorda Cancio, que engade que “Unifoz xa fixo propostas de solicitar a Deputación axuda técnica para sacar ao Concello de esta parálise, algo ao que este Alcalde nin fixo caso”.
E, por outra banda, o grupo municipal de Unifoz presenta outra moción solicitando ao Pleno da Corporación Municipal o inicio da tramitación de acordo co Instituto Nacional da Seguridade Social, da Facenda Autonómica e da Deputación Provincial para que o Concello de Foz poda expedir certificacións destes organismos.
Cancio recorda que “por parte dos veciños en particular e asociacións, en moitas ocasións, para tramites administrativos son necesarios certificados de outras administracións como INSTITUTO NACIONAL DA S.SOCIAL, AXENCIA TRIBUTARIA ESTATAL, FACENDA AUTONOMICA DEPUTACIÓN PROVINCIAL, que teñen que ser tramitados antes estes organismos, co conseguinte prexuízo polo desprazamento que supón para os mesmos”. Así mesmo, apunta que “o Concello de Foz ten a posibilidade de facer acordos con estas administracións, coa finalidade de poder expedir certificados para os veciños que o necesiten, sen necesidade de ter que desprazarse”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.