Cervo, 17 de setembro de 2013.- As Escolas Deportivas Municipais chegan este ano cargadas de novidades coa posta en marcha de máis disciplinas. Unhas escolas que abren o prazo de inscrición mañá mércores e que arrincarán o día 23. Antes, o 19, terá lugar a presentación das actividades nunha reunión ás 20:00 horas no salón de actos da Casa do Concello na que se resolverán dúbidas e se explicará o funcionamento das escolas.
En canto ás novidades hai que destacar que o zumba e o pádel atopan un oco na oferta deste ano. No caso do zumba está dirixido á mocidade do instituto de secundaria co obxectivo de “diversificar a programación e ofrecer unha especialidade atractiva que permita estimular e convidar á práctica de deporte nese tramo de idade”, explica o edil de Deportes, Luis Guillén. Neste caso, as clases desenvolveranse todos os venres de 19:00 a 20:00 horas na Casa do Mar.
O pádel tamén entra na oferta das Escolas Deportivas, neste caso para os nenos e nenas nacidos entre o 2008 e o 1998, ao igual que as demais actividades para este tramo de idade. Unha disciplina que se impartirá na pista do polígono de Cuíña todos os venres de 16:45 a 17:45 horas e que “gaña cada ano máis adeptos no municipio e por iso decidimos incluílo na oferta deste ano” engade Guillén.
Con estas novidades, as Escolas Deportivas amplían a súa oferta, que inclúe un total de 11 modalidades para diferentes públicos, tanto infantil, como xuvenil e adultos. En concreto, para nenos e nenas impartirase pequexogos, baloncesto, fútbol sala, patinaxe artística, tenis, multideporte e pádel; e para os adultos ofrecerase ximnasia de mantemento, aeróbic e pilates, ademais do xa mencionado zumba xuvenil para o alumnado do instituto.
“Unha ampla e variada oferta na que se manteñen todas as actividades ofertadas no curso pasado tendo en conta o éxito de participación que veñen rexistrando e se inclúen outras novas para satisfacer á crecente demanda de disciplinas tendo en conta sempre as preferencias da cidadanía” asegura Guillén.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
