A institución provincial impulsa a economía mariñá promocionando os atractivos da comarca no exterior a través de varias iniciativas, para o que aporta preto de 11.000 euros. Por unha banda, a Deputación presta a súa colaboración á Asociación de Turismo Rural da Mariña (ATURMAR) para a posta en marcha dunha das máis ambiciosas campañas realizadas para captar turismo estranxeiro, e que levará a 17 turoperadores alemanes a percorrer ata o vindeiro 24 de outubro os principais atractivos que ofrece a costa lucense. A visita foi organizada polos responsables de ATURMAR logo de que os axentes de turismo xermanos quixesen coñecer de primeira man as amplas posibilidades da costa da provincia como destino de vacacións.
Méndez destacou que dende a Deputación “sempre defendemos o potencial da Mariña neste aspecto: levamos tempo traballando a reo por desestacionalizar o turismo e por dar a coñecer todas as posibilidades da Mariña. O feito de non contar coa climatoloxía doutros destinos turístico non pode ser un inconveniente, senón que ten que converterse nunha vantaxe: permítenos contar con visitantes en calquera época do ano. Os nosos areais son fundamentais para atraer visitantes, pero non nos limita para ofrecer atractivos en calquera época do ano: o turismo gastronómico; o de natureza; o náutico; o cultural…, son factores diferenciais con respecto a un turismo exclusivo de praia”.
2ª edición de Guía do Camiño do Mar
A Vicepresidenta Segunda tamén anunciou que a Deputación de Lugo fará entrega esta semana dos 1.000 exemplares da segunda edición do libro Guía do Camiño do Mar, historiador focense Xoán Ramón Fernández Pacios, para a que destinou preto de 8.000 euros.
A primeira edición desta obra publicada polo organismo lucense, esgotada dende hai tempo, puxo á venda medio milleiro de exemplares do que é o primeiro traballo sobre este Camiño. Froito de anos de rigoroso traballo sobre este itinerario, tan pouco estudado coma popularmente coñecido, recolle todo o inventario documental existente co que queda certificado o Camiño do Mar coma unha auténtica ruta empregada polos peregrinos na súa viaxe a Compostela, ademais dunha ampla selección de máis de 200 fotografías e abundantes mapas que describen todos os tramos deste Camiño.
Esta publicación, ademais de impulsar a aspiración da Deputación en favor da oficialización desta ruta xacobea que discurre polos Concellos da costa, avala a demanda de moitos colectivos mariñanos que levan anos solicitando á Xunta, administración competente, o recoñecemento oficial desta ruta, posto que sería un relevante pulo á economía da zona.
Promoción turística da Mariña
O actual goberno provincial leva traballando dende o 2007 en prol da Mariña, para promocionar o turismo e o ocio medioambiental con iniciativas coma o Km0 Surf Camp, ou a Peregrinación Marítima. Este evento turístico-deportivo nado no 2010, e que xa permitiu a centos de lucenses percorrer a costa en veleiros grazas ós “bautismos de mar”, fixo da Deputación de Lugo na primeira e única administración en reivindicar a declaración oficial do Camiño do Mar como ruta xacobea, malia que a promoción de todas as rutas de peregrinación lucenses data xa do 2009.
Outros dos proxectos levados a cabo na Mariña foi a certificación de calidade ISO-14001 das praias –coa que contan 14 areais mariñanos dun total de 19 galegos-, a de maior rigor a nivel internacional no eido da protección ambiental, concedida segundo parámetros da Unión Europea e que garante un plus de calidade ás praias que o reciben. Esta certificación trae consigo beneficios ambientais, de imaxe de cara ó exterior e económicos para os Concellos.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
