A Mariña, 4 de outubro de 2013.- O secretario xeral do Partido Popular de Lugo, Jose Manuel Balseiro, quixo saír ao paso das enganosas valoracións efectuadas por socialistas e nacionalistas respecto dos investimentos previstos nos orzamentos xerais do Estado para a comarca da Mariña lucense.
O dirixente popular salientou que achegan os recursos necesarios para impulsar as infraestruturas máis importantes da comarca da costa lucense que durante dúas lexislaturas do PSOE en Madrid non foron quen nin de rematar (pola autovía do Cantábrico) nin de iniciar (polo treito estatal do corredor)
En opinión dos populares o PSOE foi un lastre para esta comarca ata o punto de que os que hoxe critican que se acheguen investimentos e se executen estes recursos, no pasado gardaban un silencio cómplice cando nin se investía, nin se presupuestaba.
Os populares sinalan ademais que os socialistas non deron a cara pola comarca en tempos de bonanza orzamentaria, mentres que agora con menos recursos o PP é capaz de facer máis e incluso pagar as débedas que deixaron pendentes os do PSOE, como coa autovía do Cantábrico.
AUTOVÍA DO CANTÁBRICO
Desde o PP explican que o investimento executado en 2013 e os orzamentos de 2014 veñen a liquidar os recursos necesarios para poñer en servizo o último tramo da A-8, entre Careira e Mondoñedo. Inclúe tamén o orzamento preciso para evitar os problemas das escorrentas pluviais nesta ultima localidade. Con estes datos, Balseiro sentenciou que a autovía do Cantábrico iniciouse cun Goberno do Partido Popular e rematarase cun Goberno do Partido Popular, o que dá mostra do verdadeiro compromiso con esta obra.
Esta situación contrasta con dúas lexislaturas do PSOE en Madrid, oito anos durante os que houbo un ministro de Fomento lucense que prometeu o remate das obras en 2011 e non cumpriu e un presidente da Xunta, o tamén socialista Touriño, que incluso anunciaba a conclusión da A-8 en 2009 e tampouco cumpriu, amosando que o socialismo foi un verdadeiro freo para as infraestruturas lucenses.
TREITO ESTATAL DO CORREDOR
No que respecta ao tramo estatal do corredor, Balseiro significou que os 100.00 euros orzamentados para licitar o contrato de redacción desta nova autovía son moito máis dos 50.000 que orzamentaba o PSOE no seu día. Cunha notable diferenza, eles o incluían no papel pero non o executaban, nin en diñeiro nin no proceso administrativo, xa que foron incapaces de resolver as alegacións que os concellos fixeron sobre o trazado.
Mentres que agora existe un compromiso concreto de impulsar esta infraestrutura tanto no económico como no ámbito do proxecto administrativo e técnico.
OUTRAS ACTUACIÓNS
En 2014 Lugo será a 4º provincia española en recepción de achegas de Fomento para estradas, con máis de 99,12 millóns de euros, a nosa comarca tamén beneficiarase dos recursos previstos en conxunto para melloras de seguridade, mantemento, sinalizacións e repintado de marcas viarias.
MAL EXEMPLO DA DEPUTACIÓN
Finalmente o secretario xeral dos populares lucenses censurou que sexa precisamente Lara Méndez, vicepresidenta da Deputación quen pretenda dar leccións sobre infraestruturas “quizá a persoa menos indicada para falar sobre este asunto, tendo en conta a mala situación na que se atopan as estradas provinciais que por non ter, non teñen nin o mantemento mínimo preciso e que, en vez de arranxalas a Deputación se dedica a multar aos concellos”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
