Barreiros, 4 de outubro de 2013. O BNG de Barreiros presentou no pleno do pasado luns unha moción para ser tratada de urxencia, na que solicitaban o acordo do pleno municipal para pedirlle á Xunta de Galiza a inclusión nos orzamentos de 2014 dunha partida que garanta o Servizo de Axuda no Fogar en concellos de menos de 20.000 habitantes. As concelleiras e concelleiros do Partido Popular en Barreiros negaron, co seu voto en contra da urxencia, a posibilidade de tratala en pleno e adoptar o acordo.
Os nacionalistas, argumentaron a necesidade do debate da moción atendendo a que a elaboración dos orzamentos da Xunta terá lugar antes do vindeiro pleno municipal en Barreiros e, entendendo que a Xunta desde o ano 2010 veu rebaixando a súa aportación ao SAF ata desentenderse totalmente, sen aportar nen un só euro, nos anos 2012 e 2013.
Para o BNG de Barreiros, a adopción deste acordo, é fundamental para dar cumprimento ao establecido tanto na Lei de Servizos Sociais como no propio Decreto da Xunta, que tanto gosta de airear o Partido Popular, onde se contempla especificamente que “a Xunta debe garantir a prestación destes servizos nos concellos.”
Á vista da negativa do PP, o grupo municipal do BNG transformou os puntos do acordo en rogos e, no apartado de rogos e preguntas, pediulle expresamente ao goberno local que traslade a petición dunha partida á Xunta de Galiza similar ao 1.200.000€ que se contemplou no ano 2010, para garantir que o concello de Barreiros poida seguir prestando este servizo sen que supoña un encarecelo máis para as persoas usuarias.
Para o BNG, esta actitude é unha nova mostra de que Alfonso Fuente e o Partido Popular de Barreiros “antepoñen os intereses e a disciplina do seu Partido, dictada desde arriba, aos intereses das súas veciñas e veciños; que veñen sufrindo continuamente encarecemento dos servizos como consecuencia dos recortes que a Xunta está aplicando nos servizos sociais sen que o seu alcalde e os concelleiros e concelleiras do goberno municipal abran a boca para defendelos. Desde logo, o Partido Popular con estas actitudes, non está lexitimado para falar de benestar, cando están recortando e asistindo impasibles ao desmantelamento dos servizos públicos. Cando a súa aposta é polo roubo continuado de dereitos ás persoas a cambio de dar beneficiencia”, conclúen desde o BNG.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
