Ribadeo, 4 de outubro de 2013. Marca Persoal, Ámbito 2.0 e Novas Tecnoloxías únense en Mira.Me, unha pioneira iniciativa de dinamización do emprego en Ribadeo, que levan adiante as Concellarías de Mocidade e Desenvolvemento Local.
Desde estas delegacións sinalan que “se unha imaxe vale máis que mil palabras… esa é sen dúbida a máxima coa que estes días traballan os alumnos de Mira.Me, a primeira edición do curso de Marca Persoal 2.0 que puxo en marcha o pasado mes de xuño o Concello de Ribadeo”. E lembran que “o programa Mira.Me, conta con dúas fases complementarias que permitiu aos alumnos desenvolver un programa de formación continua para a optimización dos recursos 2.0 e a xestión da súa presenza on line durante varios meses. Nunha primeira fase desenvolvida dende o mes de xuño os alumnos participantes, da man de Verónica Ramallal (Pekecha), aprenderon a descubrir os valores e atributos diferenciais que lles poden axudar a diferenciarse no competitivo mercado laboral. Unha vez descubertos e definidos os seus trazos máis significativos e destacables de cara á súa promoción profesional os participantes no programa iniciáronse a aprendizaxe da xestión da súa marca persoal na rede, as principais redes sociais e portais para a busca de emprego así como a forma de optimizar a súa presenza nestas”.
Desde as Concellarías de Mocidade e Desenvolvemento Local seguen a relatar que “posteriormente, mediante titorías individuais e o deseño dun itinerario personalizado, os alumnos desenvolveron sobre a base de todo o aprendido o guión do que será en breve a súa carta de presentación audiovisual: o seu vídeo currículo. Durante estes días, co asesoramento e a incorporación á parte técnica d El Farero, Colectivo Audiovisual, os participantes do programa Mira.Me, están xa metidos de pleno na última fase do programa, coa gravación das súas pezas audiovisuais. Nel están implicados ademais, varios axentes da vila, axudando a dinamizar o ámbito local: veciños que participan como extras, establecementos que ceden as súas instalacións para a gravación… Trátase dunha novidosa e pioneira iniciativa piloto na zona que está a ter moi boa acollida. Unha vez finalizados os vídeo currículos, e de forma posterior á súa presentación oficial, estes subirán á páxina oficial que se creará para o proxecto co fin de levar a cabo a súa difusión e con miras a que o proxecto poida ampliarse no futuro”.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
