Burela, 4 de outubro de 2013. O vindeiro 22 de outubro rematará o seu traballo a brigada contra incendios de Burela. Esta mañá o alcalde, José Mª González Barcia, e o concelleiro de Obras, Manuel Fernández Valle, revisaron as actuacións realizadas e valoraron de xeito moi positivo a labor realizada por este equipo.
Fernández Valle explicou que “hoxe estivemos vendo as actuacións que está levando a cabo a brigada contra incendios, contratada cunha subvención ao cen por cen da Xunta de Galicia. Está formada por cinco persoas, que nos meses que levan traballando aparte de, evidentemente, actuar contra o lume, nalgúns casos tiveron que saír fora de Burela, cando non foi así o que están facendo é un traballo de prevención precisamente de risco de incendios”.
O edil de Obras indicou que “na área recreativa do Monte Castelo notouse moitísimo a actuación desta brigada e en concreto na zona do campo de tiro desbrozaron unha ampla superficie para evitar precisamente o risco de incendio, que nese punto sería complexo porque o monte forma unha ladeira. Tamén se adecuaron os noiros que hai por exemplo entre a explanada da capela e a propia estrada de acceso ou as zonas próximas aos merendeiros”.
Manuel Fernández Valle engadiu que “esta brigada terminará o seu traballo o día 22 do presente mes e a verdade é que estamos moi satisfeitos co labor que realizan”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
