Ribadeo, 4 de outubro de 2013. As xornadas de limpeza voluntaria nos ríos de Ribadeo chegaron tamén aos centros de ensino da vila. Medio cento de alumnos e alumnas do Sagrado Corazón acudiron este venres ao río de Rinlo.
O concelleiro de Medio Ambiente, Horacio Cupeiro, sinalou que “fomos cun grupo de 44 nenos e nenas do colexio Sagrado Corazón ao río de Rinlo. Alí lles explicamos que parte das cousas que aparecen no río van parar á ribeira e despois todos os efectos que eses residuos poden causar no noso entorno natural”. Os rapaces que participaron hoxe nesta actividade foron os de 3º de primaria e 4º de ESO en horario de 9:40 a 13 horas. O edil nacionalista dixo que “a intención do Concello e mesmo dos centros de ensino é a concienciación da sociedade no referente ao dano que se fai cos residuos” e engadiu que “os nenos saíron impresionados coa cantidade de lixo recollida e dispostos a contarlles aos seus proxenitores o acontecido no día de hoxe”.
Os alumnos e alumnas do colexio Sagrado Corazón estiveron acompañados polo alcalde de Ribadeo, Fernando Suárez, e polo edil de Medio Ambiente, ademais de polas súas mestras.
O vindeiro luns, 7 de outubro, serán os alumnos e alumnas do Gregorio Sanz os que acudan a esta xornada. O grupo estará formado por 50 rapaces de 5º de primaria que irán de 10 a 13:45 “e faremos a continuación da ponte de Arante, polo río Grande. Iremos facendo todo ese río cos rapaces dos colexios de Ribadeo”, sinalou Horacio Cupeiro. Xa o 8 de outubro acudirán outros 53 participantes do Sagrado Corazón de 6º de primaria e o mércores, 9 de outubro, serán 53 os rapaces e rapazas de 2º de ESO do IES de Ribadeo os que acudan a esta actividade que organizan as Concellarías de Medio Ambiente e Mocidade.
O concelleiro de Medio Ambiente subliñou que “a xestión dos residuos que sacamos serán tratados axeitadamente por empresas autorizadas. A continuación da recollida no río facemos unha selección no punto limpo para mandar cada residuo ao seu sitio”.
Ademais Horacio Cupeiro lembrou que “desde o Concello organizamos unha nova xornada de limpeza de ríos con voluntarios. Neste caso será no río de Arante entre o muíño e a Ponte de Arante. Os que queiran colaborar poden achegarse á estación de autobuses á nova da mañá e os que queiran desprazarse polos seus medios deberán estar na Ponte ás nove e media da mañá deste sábado, 5 de outubro”. O edil ribadense pide “a colaboración da cidadanía en aras de conseguir un medio ambiente sostible do que se poidan sentir orgullosos os nosos herdeiros”.
A primeira destas xornadas con adultos tivo lugar o pasado 28 de setembro e continuará os días 12 e 19 de outubro.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
