4 de outubro de 2013.- A portavoz do Partido Popular de Mondoñedo, Elena Candia, resalta que a resposta do Secretario Xeral de Infraestruturas á pregunta plantexada polo BNG garante a achega económica do goberno Central para darlle unha solución aos problemas das inundacións que sofren veciños de Mondoñedo dado aos trastornos ocasionados polas obras na Autovía do Cantábrico ao seu paso polo municipio.
A popular fixo estas declaracións logo da nota de prensa enviada polo Bloque Nacionalista Galego e na que, segundo a popular, se manifesta unha clara intención de “retorcer” a información e de xerar intranquilidade entre os afectados.
Elena Candia explica que o que está claro neste momento é o compromiso de Fomento para achegar a axuda económica que evitará estas inundacións independentemente de se vai con cargo a unha partida concreta ou á de conservación. Neste senso, a popular matiza que esta partida de conservación de estradas conta cunha dotación de 14,51 millóns de euros nos Presupostos Xerais do Estado para o 2014.
Elena Candia agarda que o BNG estea satisfeito coa resposta do Secretario Xeral de Infraestruturas na que se garante esta achega económica e que, segundo así cita a propia nota dos nacionalistas, este proxecto para solucionar as escorrentías en Mondoñedo “financiarase con cargo ao orzamento de conservación”.
“Confiamos en que o BNG estea contento con que o goberno Central recolla nos orzamentos de 2014, -independentemente da partida-, a solución que demandan os veciños de distintas parroquias de Mondoñedo, que se lle inundan as súas casas e colleitas en días de choiva debido ás obras desta infraestrutura.
Traballo conxunto
Candia, que censura a actitude do BNG, defende que é o momento de traballar xuntos para que a A8 que tantos problemas ocasionou aos veciños de Mondoñedo, quede ben rematada. Neste senso, a portavoz reitera o compromiso popular para que esta situación se solvente e o resto significa perder tempo para traballar neste senso.
Desta maneira, Candia censura a “mala intención” que se evidencia na nota emitida polos nacionalistas, cun titular que “non reflexa a verdade” e que só “logra crear inseguridade”; ao tempo que lamenta que esta sexa a maneira de facer política dos nacionalistas “confundindo aos cidadáns”.
A popular agradece unha vez máis a boa disposición e o compromiso do goberno Central e en concreto do departamento que dirixe Ana Pastor, que a maiores nos orzamentos xerais do Estado para 2014 contempla as partidas orzamentarias para liquidar os contratos das obras da Autovía A-8 entre Careira e Mondoñedo.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
