Foz, 04 de outubro de 2013. O Concello de Foz arranxará estradas rurais de Santa Cilla e Vilaronte cunha subvención de 43.000 euros concedida pola Consellería de Medio Rural e ten solicitada outra axuda á Xunta, concretamente á Consellería de Presidencia, para mellorar viais doutras parroquias, como Cordido e Cangas.
O primeiro tenente de alcalde e concelleiro de Medio Rural, Pedro Fernández Manín, explicou este venres que o Concello de Foz “está a preparar o proxecto para arranxar camiños cunha subvención da Consellería de Medio Rural, que ascende a 43.014 euros. O proxecto que estamos a elaborar vamos enfocalo concretamente ás parroquias de Santa Cilla, para rematar o máis imprescindible, e de Vilaronte, á que ata o momento non destináramos practicamente ningún fondo. No barrio de Mañente vamos arranxar, porque o firme está completamente desfeito, a estrada que vai desde a Nacional 642 á baixada a Fondás. Despois melloraremos os accesos ao barrio de Catarou, en Santa Cilla, e a estrada que hai desde a fonte de Neixas ata A Pedra. Son camiños asfaltados pero o firme está totalmente desfeito e ademais limparemos completamente as cunetas”.
Pedro Fernández Manín comentou que ao goberno municipal gustaríalle poder facer máis obras deste tipo, pero “é imposible dado que o Concello está nunha situación económica difícil e entón non podemos facer máis de momento”. Pero tamén anunciou que está solicitada outra subvención a Xunta, concretamente á Consellería de Presidencia, Administracións Públicas e Xustiza, para arranxar estradas noutras parroquias, “como son os accesos ao barrio de Ribela, en Cangas; ou a estrada que vai desde o Eixo a Morás, en Cordido, entre outras, como a estrada que vai desde a LU-151, en Teixeira, ao Alto do Santo por Transmonte, que está completamente desfeita pola saca de madeira.”
O concelleiro de Medio Rural destacou que “as únicas subvencións que temos no Concello de Foz para estas obras son parte das consellerías da Xunta” e rematou manifestando que “intentaremos facer o máximo posible, pero debe recoñecerse que os tempos son moi difíciles”.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
