A Mariña, 2 de outubro de 2013. Na súa primeira valoración dos Orzamentos Xerais do Estado e a súa repercusión para a comarca, o BNG de A Mariña considera que as infraestruturas estatais para a comarca, chegan “tarde, mal e arrastro”. Lamentan os nacionalistas que “as inversións que se prevén en infraestruturas incidan no xa histórico atraso das mesmas ao seu paso pola nosa comarca. A autovía do Cantábrico que se prevé que se remate neste ano, chega 7 anos tarde; pero o tramo estatal da autovía da costa, que leva tamén anos de atraso segue sen recibir orzamento para o inicio da súa construción”.
“Chegan mal, porque a autovía do Cantábrico é unha infraestrutura que deixa pobos e vilas illadas, sen acceso, pola súa mala planificación. E porque, xa a día de hoxe, tivo que ser reparada por defectos importantes no firme, tal e como denunciou o BNG hai meses. E chegan arrastro, porque só a demanda e a presión social para dotar á comarca dunhas infraestruturas propias do século XXI lograron paliar en parte a deixadez e a ignorancia dos distintos gobernos do Estado con respecto á Mariña”, explican os nacionalistas.
Para o BNG, o feito de que non se contemple iniciar as obras da autovía costeira “terá unha incidencia moi negativa na economía mariñá. Non só xa no tocante á carencia histórica dunha vía de comunicación que vertebre a comarca; senón polo feito de que moitas empresas e autónomos e o propio sector da hostalaría teñen a día de hoxe grande dependencia das obras públicas e, nun momento no que se prevé a finalización da autovía do Cantábrico o feito de non poñer en marcha as obras do corredor supón outro golpe máis para a economía destas empresas e contribuirá directamente ao incremento do paro.”
As pensións, outro golpe para a economía mariñá
Ademais das cuestións referidas á Mariña, os nacionalistas cren que “a medida que contempla o goberno do Estado con respecto ás pensións, subíndoas por debaixo do custo real da vida, que supón un empobrecemento das persoas pensionistas; terá unha especial incidencia na nosa comarca”.
“Coa composición demográfica de A Mariña, onde máis do 25% da poboación son persoas pensionistas, o impacto de medidas coma esta é moi significativo; especialmente, se temos en conta, a actual situación de desemprego e a dependencia de moitas economías familiares con respecto ás pensións, que sustentan en moitos casos as familias”, sinalan desde o BNG. “Pero é que, ademais, – insisten – existen concellos nesta comarca, cunha taxa de envellecemento moi superior á media nos que a incidencia negativa desta medida vai ser moi superior, incidindo, unha vez máis no empobrecemento da poboación”.
Polo tanto, os nacionalistas califican os Orzamentos Xerais do Estado para o 2014 como “negativos para A Mariña e para as e os mariñáns, xa que para nada contribuirán ao desenvolvemento económico da zona; senón ao contrario, suporán máis empobrecemento e máis paro”.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
