A Mariña, 21 de outubro de 2013. O BNG valora a proposta de orzamentos para o ano 2014 presentada polo goberno do Partido Popular como uns “orzamentos moi negativos para a comarca e para as veciñas e veciños da Mariña en xeral.”
Os nacionalistas sinalan que o Partido Popular segue coas políticas de desmantelamento da comarca e sen ningún tipo de inversión que asegure o seu desenvolvemento. “O feito de que non exista novamente unha partida para destinar á ampliación do Hospital da Costa é a mostra de que o modelo do Partido Popular para a sanidade na Mariña non é o que se empeñan en facernos crer; senón que apostan claramente por deixar morrer de inanición ao Hospital de Burela para favorecer o Hospital de Lugo”, sinalan desde o BNG. “Un ano máis, a reiterada promesa do Partido Popular sobre a ampliación do Hospital da Costa queda en papel mollado cando se trata de destinar o diñeiro para eso. Fronte ás continuas apelacións á fe dos mariñáns e mariñás que fai cada pouco tempo o deputado popular José Manuel Balseiro, constatamos como, outra vez, o Partido Popular desde a Xunta se esquece de consignar o diñeiro necesario para a ampliación do Hospital. Polo tanto, estamos asistindo a un continuo proceso de mentiras e enganos á cidadanía da Mariña, xogando coa propia saúde da xente.”
Para o BNG da Mariña, a actitude do PP mariñán é de “auténtica traición” ás veciñas e veciños da Mariña, ao “incumprir reiteradamente todas as súas promesas e condenar a esta comarca ao abandono absoluto.”
“Estes orzamentos amosan claramente cales son as políticas e os proxectos que ten o Partido Popular para A Mariña. Mentres os orzamentos ignoran plans de acompañamento social ou de emprego (tal e como anunciaron tamén en numerosas ocasións) para paliar o desemprego que se está a dar nesta comarca e seguen cos recortes en servizos públicos, o goberno galego destina máis de 6 millóns de euros para legalizar as urbanizacións ilegais que se construíron en Barreiros”, sentencian desde as filas nacionalistas.
No tocante a algunhas das inversións contempladas os nacionalistas aseguran que “hai que deixalas en cuarentena, visto que, por exemplo para o corredor da costa no ano 2013 se orzamentaran 3,5 millóns de euros e as obras se pararon segundo pasaron as eleccións galegas ou que no 2013 para a ampliación do Hospital da Costa si que existía unha partida específica. Polo tanto, vemos que os compromisos orzamentarios do Partido Popular para A Mariña teñen a mesma validez que as promesas que fan os seus representantes nesta comarca: son un permanente engano e unha auténtica tomadura de pelo para calquera persoa.”
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
