Ribadeo, 21 de outubro de 2013. Comezan estes días traballos de mellora e asfaltado en camiños de varias parroquias ribadenses. As obras financiadas pola Xunta, a Unión Europea, a Deputación de Lugo e o Concello suporán un investimento de 76.000 euros, segundo daba a coñecer esta mañá o alcalde, Fernando Suárez.
O rexedor explicou que “nestes vindeiros días imos iniciar unha nova fase de amañado e asfaltado de camiños en varios núcleos e parroquias do noso concello como Piñeira, Ove, Rinlo, Arante, Remourelle, en varias zonas da Devesa como Vilagüiz, Vilandriz e Noceda. Estes traballos fanse con cargo a dous programas, un entre a Xunta, a Unión Europea e o Concello e outro entre a Deputación e o Concello de Ribadeo. Trátase por unha banda á primeira anualidade do Agader e por outra ao Plan de Obras e Servizos complementario de 2013”.
Fernando Suárez dixo que “en total sumando as dúas partidas serán uns 76.000 euros os que se destinarán a continuar amañando camiños en todas as parroquias e actuando naquelas vías que se atopan peor ou que as asociacións de veciños nos pediron hai tempo. E digo que actuaremos agora antes de meternos no inverno, porque aínda que estes días poida chover algo o tempo non arrefriou e aínda se pode traballar. No inverno non debemos actuar nos camiños, cando chega decembro e xaneiro pode haber fochas e os veciños pódense ás veces desgustar un pouco, pero é que non podemos tirar os cartos no inverno, porque todo o que se faga con friaxe e con chuvia é diñeiro tirado, xa que de alí a vinte e pico días todo o que se fixo acaba sendo levantado outra vez pola auga e polo mal tempo”.
O alcalde de Ribadeo engadiu que “esta será a última fase que fagamos nesta parte final do 2013 e xa en marzo e abril do ano que ven será cando teremos que actuar con outros programas que temos como a segunda anualidade deste Agader, coma o POS do ano que ven, con fondos propios… sempre temos que estar actuando, pero debemos facelo cando o tempo o permite, cando as posibilidades administrativas o permiten e non soamente cando se producen as desfeitas, porque hai momentos no inverno que todo o que se fai é traballo e diñeiro tirado”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
