A Mariña, 1 de novembro de 2013. A Plataforma na Defensa da Sanidade Pública da Mariña denunciou que a Subdelegación do Goberno do Estado non cesa na súa persecución política mantendo dúas sancións por importe de 750 euros pola concentración convocada o 2 de marzo deste ano en Burela na defensa da sanidade pública. Despois da presentación de dous recursos contra sendas sancións iniciais de 1.500 euros este organismo estatal rebaixou á metade as sancións pero mantén en resolucións recibidas o 21 e 23 de outubro a mesma descrición dos feitos sen atender as alegacións presentadas nin ter en conta as provocacións constantes de persoas asistentes ao congreso provincial do Partido Popular. Esta mesma semana foi analizada a situación e concluíuse presentar recurso de alzada e unha campaña de recollida de apoios para facer fronte ás sancións xa que de non prosperar só quedaría a vía do contencioso.
A Plataforma na Defensa da Sanidade Pública da Mariña denunciou que a Sub-delegación do Goberno do Estado en Lugo mantén a súa persecución política intentando amordazar o traballo do colectivo na defensa da sanidade pública. Cuestionan o proceder deste organismo que só atendeu parcialmente as alegacións presentadas, rebaixando as primeiras sancións de 1.500 a dúas de 750 euros e tampouco tivo en conta as provocacións de persoas asistentes ao congreso provincial do Partido Popular que levantaron os ánimos de moita xente a unha concentración ruidosa – xa que se trataba dunha cacerolada – pero pacífica. Cuestionan tamén – por esaxerado – o despregue policial efectuado na data da concentración(2 de marzo de 2013) “ moi rápidos para presentar denuncias contra os convocantes e pasivos diante das provocacións dos asistentes ao congreso do Partido Popular con xestos, insultos ou lanzamento de moedas a preferentistas que non constan no expediente”
Nunha reunión celebrada o pasado luns acordaron presentar recurso de alzada que de non prosperar so quedaría a vía do contencioso rematando o procedemento administrativo, polo que en paralelo iniciarán unha campaña de recollida de apoios económicos que axuden a evitar o intento de anular e amordazar a nosa actividade.
Na reunión do luns tamén se informou sobre o contido da asemblea celebrada pasado sábado en Riotorto á que acudiron varias plataformas sanitarias e múltiples colectivos e organizacións preocupadas polo desmantelamento e privatización do sistema sanitario público. A Plataforma acordou “apoiar todas as iniciativas dirixidas a parar o proceso de degradación e privatización iniciado polos gobernos do Partido Popular” que responde unicamente a impoñer o modelo ideolóxico neoliberal dirixido á eliminación do estado social.
Para a Plataforma os gobernos galego e estatal están superando barreiras na calidade asistencial que requiren unha contestación dura e contundente do conxunto da sociedade, medidas como o repagamento de medicamentos, o pago de próteses, a anunciada aplicación do repago de medicamentos de subministro na farmacia hospitalaria abriron xa, e seguen abrindo portas á exclusión do sistema sanitario público de amplas capas da sociedade.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.