Burela, 16 de novembro de 2013. Este sábado ao mediodía foi inaugurada e quedou aberta ao tráfico a urbanización de Torrentes. O acto, que se desenvolveu na zona verde, desta unidade de actuación estivo presidido polo alcalde, José Mª González Barcia, e pola totalidade do equipo de goberno. Alí descubríuse unha placa, houbo unha bendición a cargo do cura párroco da vila e retirouse a última valla de obra.
O rexedor sinalou que “se trata dun día importante para Burela, pero máis para os propietarios das parcelas da urbanización. Despois de oito anos de moitos trámites e de moito traballo logramos abrir esta unidade de actuación”. González Barcia lembrou e agradeceu “a todas as persoas que impulsaron, traballaron e se esforzaron ao longo destes anos para que isto saise adiante, lamentablemente algunha delas xa non está entre nosoutros”.
O alcalde de Burela dixo que “a situación actual non nos permite pensar que en Torrentes se poida actuar de xeito inmediato, pero hai que sembrar o que aconteceu na zona do Ensanche cando se creou e ver como se atopa hoxe. O Ensanche xurdiu no ano 1968 e 45 anos despois podemos ver o que chegou a ser para Burela. A Torrentes haberá que darlle tempo, pero será un referente moi importante no urbanismo do noso concello”. O rexedor agarda que “a situación económica mellore para ver o despegue de Torrentes”.
José Mª González Barcia subliñou que “a unidade de actuación conta con todos os servizos, mobiliario urbano, árbores, alumeado”. E lembrou que “o alumeado estará parcialmente acendido, será alí onde é obligatorio: nas interseccións das rúas e nos pasos de peóns para garantir a seguridade destes e do tráfico rodado. Quedan algúns flecos administrativos pendentes, que nos vindeiros meses quedarán definitivamente pechados”. O alcalde dixo que “os trámites que teñen que ver coa regularización da propiedade remataron coa entrega das separatas aos propietarios”.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
