Santiago, 23 de novembro de 2013.- O conselleiro de Medio Ambiente, Territorio e Infraestruturas, Agustín Hernández, asinou este sábado coa alcaldesa de Lourenzá, Emma Álvarez, un convenio de colaboración para levar a cabo a reparación de beirarrúas e servizos xerais nas vías Fernández del Riego e Muíño do Frade, situadas en pleno centro urbano do municipio.
Este acordo, incluído no Plan HURBE, ten como obxecto mellorar as condicións de seguridade e tránsito peonil da zona, xa que presenta deficiencias no pavimento da beirarrúa, que supoñen un perigo para os viandantes. Ademais non existe unha canalización de alumado e un 20% da canalización de saneamento presenta defectos e diminución na súa operatividade.
Co fin de solventar estas deficiencias o departamento dirixido por Agustín Hernández, dentro da súa colaboración coas administracións locais, achegará a totalidade do orzamento valorado en 33.500 euros, que dotaran á zona obxecto dunha infraestrutura viaria e de servizos en condicións óptimas.
Pola súa banda, o Concello de Lourenzá comprométese a redactar os documentos técnicos que definan as accións a executar; realizará as xestións pertinentes para a obtención de permisos, licencias e autorizacións; e levará a cabo as actuacións de contratación, execución, dirección, control e recepción das obras.
Desenvolvemento da mellora urbana
Os traballos que se levaran a cabo consisten en acondicionar as beirarrúas dunha das marxes da vía Fernández del Riego e a esquina da mesma marxe da rúa Muíño do Frade, nunha lonxitude de 100 metros lineais e cunha anchura de 2 metros. Para elo, será preciso o levantamento do pavimento actual, a implantación das infraestruturas de alumado público, e a substitución da rede xeral de saneamento onde fose necesario. A actuación completarase coa colocación ou recolocación de bordo e a pavimentación con baldosa de pedra sobre soleira de formigón.
O convenio terá a duración precisa para a completa execución das actuacións recollidas, e para o seu correcto desenvolvemento constituirase unha comisión de seguimento formada por un representante de cada unha das partes.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
