O líder dos socialistas na provincia, Juan Carlos González Santín, presidirá este domingo o congreso extraordinario que celebrará o colectivo Xuventudes Socialistas de Galicia, no seu ámbito provincial, elexir novo secretario xeral. Trátase dun proceso obrigado, que así figura nos estatutos do Partido, e que o PSOE ten que levar a cabo cada vez que a secretaría xeral provincial cambia de representante.
Deste xeito, unha vez pechado o proceso de presentación de candidaturas, o lucense Jesús Vázquez Tallón postúlase como o único candidato á coordinación provincial. Logo de presentar o seu proxecto en todas as comarcas da provincia, Jesús Vazquez, asegura que asume esta responsabilidade “porque é o momento de estár a pé de rúa, coñecendo a realidade de cada un dos entornos da provincia e facer que a xuventude vexa que co novo proxecto socialista, somos unha alternativa real para cambiar a sociedade”. Neste senso, indica que “na nosa provincia, camiñaremos da man de González Santín, para lograr unha bidireccionalidade co PSdeG e ser un referente, chegando a todos e cada un dos ámbitos de incidencia da xente xove”.
Horario do congreso
O congreso dará comezo ás 10:30 horas e rematará sobre as 12:00 horas. A proclamación e discurso do novo coordinador provincial de Xuventudes realizarase ás 11:30, aproximadamente. No encontro, está previsto que tamén participen o secretario deste colectivo a nivel galego, así como mozos simpatizantes de Lugo e do resto das provincias.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
