O EFEGA Formación SD Ribadeo disputou o sábado 16 de novembro dous partidos na sexta e sétima xornadas da Liga de tenis de mesa correspondente á Terceira Nacional sen obter ningún punto.
O partido disputado ás catro da tarde contra o Ferrol TM rematou cun 1-6 no marcador a favor dos visitantes, terceiros clasificados da categoría. Os ribadenses pouco puideron facer contra un experimentado Ferrol TM que fixo gala das súas táboas e calidade. O partido de dobres foi moi axustado e puido caer do lado dos locais, pero ó final, os visitantes demostrar ter máis temple neste tipo de situacións.
Xogador A: Javier de Burgos; xogador B: Daniel López; Xogador C: Diego Pérez. Dobres: Diego Pérez e Javier de Burgos.
Resultados: 0-3, 0-3, 1-3, dobres 2-3, 0-3, 0-3, 3-2. Resultado definitivo 1-6.
Pero, moito máis dolorosa foi a derrota contra o cuarto clasificado, o Conxo T.M, cando os ribadenses se quedan de novo a un “once” da vitoria.
Javier fixo un bo partido anotando dous puntos, aínda que isto non bastou para que o EFEGA Formación se levara a vitoria. Co marcador igualado a 3, xogouse o sétimo e definitivo partido que finalmente caeu do lado visitante pola mínima diferenza, 2-3. Así, o EFEGA Formación demostra que continúa a faltarlle unha pizca de sorte nos momentos finais; xa que son catro os encontros que acaban con ese mesmo resultado de 3-4. Será preciso que cambie a súa sorte para manter a categoría no ano da súa estrea en 3ª División Nacional.
Xogador A: Daniel López; xogador B: Diego Pérez; xogador C: Javier de Burgos. Dobres: Diego Pérez e Daniel López.
Resultados: 2-3, 2-3, 3-1, dobres 0-3, 3-2, 3-0, 2-3. Resultado definitivo 3-4.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
