O ciclo de teatro “Escena en Barreiros” que puxo en marcha a asociación veciñal Irmandade San Caetano e o Colectivo Cultural Ollomao, en colaboración co Proxecto Teatral Buxiganga, rematará este domingo, con catro fins de semana seguidas de oferta teatral en Barreiros. O grupo Nostrum Cai de Lugo, Ardora de San Cibrao e a actriz Isabel Risco, reuniron ata 200 asistentes nestas xornadas de teatro, cuxo principal obxectivo era achegar a oferta lúdica a aqueles espazos do concello barreirense con menos programación cultural; así como aproveitar aquelas instalación sociais das parroquias barreirenses, como as escolas ou os teleclubes, que maiormente se atopan pechadas e sen acoller apenas actividade. Con este mesmo fin, o centro social de Cabarcos vai converterse este domingo, ás 7 da tarde nun teatro, coa representación da obra “Os Putativos” polo Grupo de Teatro de Ribadeo. O aforo será limitado e a asistencia está aberta a todas as veciñas e veciños de Barreiros e de toda a contorna que desexen achegarse.
ÚLTIMA HORA
- Doce bandas daranse cita na terceira edición do Vendaval Fest que se celebrará en Ribadeo do 25 ao 27 de xullo
- O Burela FS feminino recibe unha homenaxe do Concello pola súa vitoria na Copa da Raíña
- José Tomé proclamado secretario xeral do PSdeG da provincia no 5º congreso: “O noso tempo é agora”
- Francisco Conde: “A presión do PP foi decisiva para que hoxe os gandeiros galegos se sintan máis aliviados en relación aos ataques do lobo”
- Un alumno do IES de Foz acada un cuarto posto no Combiguru Challenge en Venecia
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin. - Cristobal Rodriguez foi elixido para ocupar unha cadeira no Comite Tecnico da Federación Internacional de deporte Universitario (FISU) con sede en Lausane
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión. - Alfonso Villares en Expomar
O conselleiro do Mar visitou este venres a Feira Náutico Pesqueira que se celebra ata o sábado. - A Casa Real parabeniza ao CD Burela FS
Este xoves recibíuse unha comunicación da Casa Real, felicitando pola consecución da Copa da Raíña 2025. - Airiños do Xunco celebra as súas vodas de ouro cunha exposición fotográfica
'50 anos de cultura - 50 anos de historia' pode verse nas Escolas Vellas de Cervo. - O Deputado de Medio Ambiente, Carlos López, participou o pasado domingo, 4 de maio, xunto co Alcalde de Trabada, Rubén García, na celebración da sexta edición da Festa da Enfariñada
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga. - 30 aniversario de Reyco
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
2021 Crónica 3 A Mariña - Implementado por GaliciaDigital