Lugo, 21 de novembro de 2013.- O presidente do Partido Popular en Lugo e portavoz do Grupo Popular no Senado, Xosé Manuel Barreiro, explicou hoxe que os Grupos Municipais do PP na oposición veñen de solicitar tamén a convocatoria de plenos extraordinarios, ou de rexistrar mocións, nas que esixen á Deputación lucense que non discrimine aos parados en función do concello no que residan. (En concreto serán 15 solicitudes de pleno extraordinario e 9 mocións)
COMPLETAN TODA A PROVINCIA
Deste xeito os populares completan o mapa da provincia ata chegar a 66 dos 67 concellos –todos excepto Quiroga, que si está incluído no plan de emprego- promovendo un debate dirixido a que as Corporacións Municipais poidan demandar á administración provincial que corrixa o contido das bases de convocatoria deste programa de emprego, de tal xeito que se garanta a igualdade de oportunidades, a diferenza do que acontece na actualidade onde 24.522 parados –case o 95% do total da provincia- non terán opción nin de participar na selección deses futuros 80 contratos.
PLENOS EXTRAORDINARIOS
Barreiro lembrou que ao longo do día de hoxe teñen previsto celebrarse gran parte dos plenos extraordinarios convocados polos alcaldes populares e nos que os rexedores municipais queren facerse eco do malestar crecente, entre os seus veciños, polo atropelo que teñen protagonizado o bipartito provincial.
A XUNTA CHEGA A TODOS OS CONCELLOS SEN EXCLUSIÓNS
Urxen a Besteiro a rectificar unha posición inxusta e sinalan, unha vez máis, que o camiño a seguir é o dos programas de emprego que promove a Xunta de Galicia que, como no caso do Plan de Cooperación chega a todos os concellos lucenses sen excepción ou, no caso dos Obradoiros de emprego, establece unhas bases que permiten a calquera concello solicitar a axuda.
Barreiro ve inxusto e discriminatorio que a Deputación estableza diferenzas de dereitos entre os parados lucenses e insiste en que non se pode empregar unha administración para crear concellos de primeira e de segunda categoría segundo a conveniencia do bipartito.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
