O Concello de Ribadeo ven de convocar subvencións en réxime de concorrencia competitiva nas áreas de cultura e servizos sociais e entidades asociativas e clubs para a realización de actividades deportivas na anualidade 2013.
A convocatoria das áreas de cultura e servizos sociais ten por obxecto o establecemento de axudas económicas para que os destinatarios realicen actividades culturais e de asistencia e benestar social, e con carácter xeral, todas aquelas actividades de interese para os veciños do concello que representen unha mellora da calidade de vida dos mesmos ou da cohesión social. As subvencións efectuaranse con cargo ás partidas 2013/230.48900 “Servicios sociais. Transferencias correntes” por un importe máximo de 16.000 euros e 2013/334.48900 “Promoción da cultura. Transferencias Correntes” por un importe máximo de 6.000 euros.
O período que se terá en conta para a realización de actividades será durante o exercicio de 2013, e o tipo de gastos financiados serán estritamente gastos correntes nos que incorran os beneficiarios para o desenvolvemento das súas actividades. E, o importe da subvención en ningún caso poderá ser de tal cantidade que, illadamente ou en concorrencia con subvencións ou axudas doutras administracións públicas ou doutros entes públicos ou privados, supere o custo total da actividade a realizar polo beneficiario.
Subvencións para actividades deportivas
O obxecto desta convocatoria a regulación do procedemento aplicable para o outorgamento de subvencións en réxime de concorrencia competitiva destinadas a entidades asociativas e clubes do termo municipal de Ribadeo para a realización de actividades deportivas na anualidade de 2013.
Para iso establécense varias categorías: axudas á actividade competitiva, para a organización de eventos deportivos e para actividades deportivas. En calquera caso, o prazo máximo de execución da actividade ou comportamento subvencionado será dende o 1 de xaneiro de 2013 ata o 31 de decembro do 2013.
A cantidade destinada para a concesión de “SUBVENCIÓNS PARA AXUDAS A ENTIDADES DEPORTIVAS PROMOTORAS DO DEPORTE” do ano 2013, será de trinta mil euros (30.000 euros) con cargo á aplicación 341.48900 do Orzamento Xeral do presente ano 2013. Aínda así, a subvención concedida polo Concello de Ribadeo non excederá, en ningún caso, os 10.000 euros na categoría de actividade competitiva; os 1.800 para a organización de eventos e con 1.500 euros para actividades deportivas.
Solicitudes
As solicitudes, dirixidas á Alcaldía-Presidencia do Concello de Ribadeo, formularanse nos modelos oficiais, os cales serán facilitados directamente polo Concello de Ribadeo, podendo obterse tamén na dirección web www.ribadeo.org. Un exemplar da solicitude – xunto coa documentación que se acompañe- presentaranse no Rexistro Xeral do Concello, quedando outro exemplar en posesión dos interesados. O prazo de presentación de solicitudes será de dez días naturais dende a publicación do extracto das presentes bases no BOP.
O prazo de presentación de solicitudes será de dez días naturais a partir do día seguinte a aprobación destas bases por Decreto de Alcaldía e da súa publicación no Boletín Oficial da Provincia de Lugo. E, o prazo de presentación no Rexistro xeral da xustificación rematará o 31 de Xaneiro de 2014, salvo que de xeito motivado sexa prorrogado pola Alcaldía.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
