Barreiros, 5 de decembro de 2013. O alcalde, Alfonso Fuente, lamenta que o vicepresidente da Deputación, Antonio Veiga, lles dese as costas aos veciños e ás veciñas de Barreiros no pleno celebrado hoxe na institución provincial e no que o equipo de goberno rexeitou a moción presentada polo PP solicitando a modificación do plan de emprego do que só se beneficiarán 12 concellos da provincia de Lugo.
O rexedor barreirense contou que “hoxe asistía a este pleno da Deputación solicitado polo PP para que se modificase ese inxusto plan de emprego. No caso de Barreiros quedamos fora perdendo a posibilidade eses 11 parados que poderían ser contratados no noso concello de poder traballar e ser subvencionados a través deste plan. Eu tiña esperanzas en que se modificase porque alí na Vicepresidencia da Deputación está o noso veciño Antonio Veiga, e eu agardaba que reconsiderase a postura que mantivo no pleno do Concello onde se opuxo á modificación deste plan de emprego, e insisto en que tiña esperanzas en que modificase a súa postura e que Barreiros puidese optar ao devandito plan”.
Fuente Parga lembrou que “no seu día na Deputación venderon a bombo e pratiño o plan de emprego e despois cando saíron as bases vimos como se excluían moitos concellos e que só 12 podían entrar. Hoxe lamentablemente o vicepresidente da Deputación, Antonio Veiga, volveu darlle as costas aos veciños de Barreiros, votou seguindo a disciplina do seu partido, votou pensando no BNG e deixou fora a posibilidade de que eses veciños puidesen ter ese traballo”. Para o alcalde de Barreiros “cando temos que tomar unha decisión dese tipo temos que pensar nos nosos veciños e veciñas do noso concello. Eu asistía esta mañá a ese pleno en Lugo coa esperanza de que Antonio Veiga modificase a súa postura e poder felicitalo ao final da sesión, como non podía ser doutra forma por parte do seu alcalde, pero me quedei con ese mal sabor de boca de que un veciño noso vote en contra de que Barreiros poda acceder a ese plan de emprego”.
Alfonso Fuente Parga agarda que “mais adiante se faga outro plan de emprego, reconsidere a súa postura e pense nos veciños de Barreiros e non en clave de partido, tal e como fixo no día de hoxe”.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
