González Barcia critica a falla de solidariedade do socialistas Alfredo Llano cos parados de Burela

Burela, 5 de decembro de 2013. O alcalde, José Mª González Barcia, critica a falla de solidariedade que ten o deputado socialista burelés, Alfredo Llano, cos veciños e veciñas parados do concello de Burela. O rexedor, acompañado de varios membros do grupo de goberno, asistiu esta mañá ao pleno celebrado na Deputación de Lugo no que PSOE e BNG votaron en contra dunha moción presentada polos populares solicitando a modificación das bases do plan de emprego da institución provincial.

González Barcia considera que “Llano só foi alí a xustificar os 51.000 euros que cobra ao ano e para unha vez que ten que madrugar desperdicia a ocasión e oponse aos intereses dos parados de Burela. O señor Llano non foi quen de recoñecer o erro que está a cometer o seu xefe, o señor Besteiro, con este plan de emprego que é totalmente sectario e excluínte”.

O alcalde burelés lembrou que “só se poden beneficiar dese plan 12 Concellos de toda a provincia de Lugo e dos que só un é do PP. Esta é a forma xusta de facer política que teñen tanto no PSOE coma no BNG na Deputación Provincial de Lugo”.