Esta fin de semana varias parroquias ribadenses acollerán sesións de maxia e contacontos da man de Fran Rei e Pedro Brandariz baixo a organización do Concello.
Fran Rei conta a historia de Brancaflor nun espectáculo a medio camiño entre a maxia e o contacontos dirixido polo galardoado co premio María Casares Avelino González. Os 11 pretendentes de Brancaflor asócianse con cadanseu xogo de maxia e ela terá que seleccionar o seu namorado ao longo dunha hora de maxia, contos e humor para grandes e pequenos. As súas sesión desenvolveranse o sábado ás 17.00 horas, no teleclub de Santalla de Vilaosende e o domingo ás 17.00 horas, na escola de Rinlo e ás 19.30 horas no Círculo da Devesa.
Pola súa banda, Pedro Brandariz vai botar os seus contos o sábado na escola de Cinxe ás 21.00 horas e o domingo na escola de Vilaselán ás 17.00 horas.
Gala a favor da Cruz Vermella
E o auditorio municipal Hernán Naval de Ribadeo acolle o sábado 14 de decembro ás 20.00 horas a gala a favor da Cruz Vermella cun prezo da entrada de 5 euros.
‘Anxeliños. Comedia satánica’
Finalmente, o ano Roberto Vidal Bolaño remata en Ribadeo afondando na obra dun dos dramaturgos máis lúcidos. ‘Anxeliños. Comedia satánica’ será posta en escena pola compañía ESPELLO CÓNCAVO. Un texto escrito en 1996 que conta con moita retranca as ruindades económicas e morais dunha sociedade de cobro de morosos. Un texto que podería ser escrito hoxe tomando como motivo a crise actual. Está protagonizada por Isabel Risco, Estíbaliz Veiga, Fernando Morán, Rodrigo Roel e Manu Fernández e dirixida por Arturo López.
A súa representación terá lugar o domingo 15 de decembro no Auditorio Municipal de Ribadeo ás 20.30 horas cun prezo da entrada de 4 euros. O prezo reducido para persoas xubiladas, desempregadas ou estudantes será de 2 euros.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
