O BNG de Alfoz solicita que o Concello de Alfoz se poña en contacto con Augas de Galiza (departamento da Consellaría de Medio Ambiente, Territorio e Infraestruturas competente na materia) para solventar o problema de amoreamento de troncos de árbores nos cortacorrentes da Ponte dos Muíños de Damián, na parroquia de Bacoi.
Os nacionalistas denuncian este problema que se da cos primeiros temporais do inverno e agardan que Augas de Galiza se comprometa tamén a colaborar no mantemento cotián, ademais de colaborar neste caso puntual; xa que “se esta situación non se arranxa de contado, o problema irá in crescendo (segundo avance o inverno iranse depositando máis troncos e pólas) e a situación pode rematar en rebordamentos que poñan en perigo o tránsito viario na estrada, pode causar deterioración do paseo fluvial ou danar as instalacións próximas (almacenaxe de maquinaria, etc.).
Dende o BNG tamén piden que “o Concello de Alfoz controle –nomeadamente durante os meses de outono e inverno- a necesidade de limpeza das pontes e outras infraestruturas con risco de alagamento ou incidencias semellantes, para evitar prexuízos á veciñanza e aos seus bens, así como para garantir a circulación pola rede viaria local”.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
