Lugo 19 de decembro de 2013.- O Partido Popular de Lugo invita aos lucenses a participar este sábado nunha concentración silenciosa de protesta ante o plan de emprego deseñado “á medida” polo presidente provincial, José Ramón Gómez Besteiro, e a través do que está a “desprezar a máis do 94% dos parados da provincia que nin tan sequera poderán participar na selección do programa”.
A convocatoria promovida polo Partido Popular para o vindeiro sábado á mañá, a partir das 11:00 horas, diante da Deputación Provincial de Lugo (Praza de San Marcos) está aberta aos lucenses e desenvolverase baixo o lema Besteiro rectifica! Pola igualdade de oportunidades de todos os desempregados lucenses.
Así o anunciaron esta tarde en rolda de prensa deputados provinciais que a través da súa voceira, Elena Candia, tacharon de “inadmisible”, que unha administración pública “estea a utilizar con fins electorais aos parados da provincia, chegando só a aqueles municipios que lle interesa por estratexia política”.
Os populares explicaron que non hai escusas para o “atropelo” ao que está a someter o socialista Besteiro aos desempregados da provincia polo que “reivindicaremos que a Deputación que xestiona fondos públicos garanta a igualdade de oportunidades laborais de todos os cidadáns”.
Asemade, os populares tamén invitaron a participar á Federación de Veciños de Lugo, que habitualmente amosa unha sensibilidade especial en relación con estes temas e máis cando se fala desemprego, e tendo en conta, a maiores, que a comarca de Lugo resulta discriminada por Besteiro, xa que non se crea ningún contrato nos seus concellos.
Besteiro desoe aos municipios e ao Parlamento
Os populares promoven esta iniciativa logo de que o socialista Besteiro se negase a modificar as bases do plan e a crear emprego en todos os municipios da provincia.
“Besteiro non rectificou pese a existir un mandato expreso da máxima institución que é o Parlamento de Galicia e un acordo histórico de 43 municipios que solicitan que se corrixa o programa”, matizaron os populares, polo que, “non decaeremos na nosa tentativa de que se modifique un plan discriminatorio, excluínte e que rouba os dereitos dos parados da provincia, por interese electoral”.
Candia explicou que non existen escusas para este “pisoteo” que se lle está a dar a 24.522 parados, e que menten cando falan de intentar chegar a onde non o fai a Xunta xa que a administración autonómica investiu no 2013 na provincia máis de 7,9 millóns de euros en emprego cos que chegou a 2.564 lucenses.
O plan feito á medida
A voceira do PP lembrou que o actual plan deixa datos como que se discrimina a nove de cada dez parados lucenses, que máis do 94% dos desempregados non poden nin tan sequera participar no proceso de selección e que tan só 12 dos 67 concellos lucenses están incluídos no plan, dos cales soamente un está gobernado polo PP cando ostenta o 64% das alcaldías lucenses.
“Queremos que con estes dous millóns de euros se chegue a todos os concellos e non só a uns poucos, que se cren postos de traballo en comarcas como Lugo ou Terra Chá , – estas dúas representan máis do 60% dos desempregados lucenses e ningún concello entra no plan-, que non clasifiquen parados de primeira e de segunda en función do municipio de residencia…”, enumerou a popular.
Con este fin, pediron a modificación do plan nos plenos municipais, en sesións provinciais e autonómicas, porén, “Besteiro mantívose inflexible e continúa a antepoñer os seus intereses políticos aos dos veciños afectados pola lacra do desemprego”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
