O Presidente da Deputación, José Ramón Gómez Besteiro, anunciou este venres que o organismo provincial ofrecerá este ano 50 novas bolsas para mozos titulados universitarios ou en Formación Profesional desempregados. Esta nova convocatoria, que permitirá ós beneficiarios ampliar a súa formación e aumentar así as posibilidades de inserción laboral ó seu regreso, é posible grazas ó recoñecemento da Unión Europea á boa xestión que o organismo lugués ben realizando dos fondos comunitarios concedidos, que ata o momento permitiron a 258 mozos completar os seus coñecementos en empresas de diferentes países europeos. Esta iniciativa destinada a combater o paro xuvenil conta cun orzamento de 230.000 euros, dos que a Unión Europea aporta o 70%.
Gómez Besteiro fixo o anuncio durante a xuntanza que mantivo esta mañá cos 50 rapaces seleccionados na convocatoria de 2013, cos que intercambiaron impresións sobre a experiencia que comezarán nos vindeiros días en prestixiosas empresas de Austria, Italia, Portugal, República Checa, Reino Unido e Irlanda, entre outros.
O Presidente destacou que a Deputación impulsa este programa consciente de que “o mercado laboral demanda cada vez máis unha maior especialización, polo que é fundamental combinar a formación académica coa experiencia profesional e o coñecemento de idiomas”. Gómez Besteiro salientou que a delicada situación do sistema educativo do país, provocado polos recortes dos Gobernos central e autonómico provocan que moitas familias non poidan facer fronte ós custes dos estudos de posgrao e especialización, polo que esta formación totalmente gratuíta para os beneficiarios “é un paso máis na nosa aposta pola formación dos mozos lucenses como a mellor garantía de futuro e desenvolvemento económico para a nosa provincia e o noso país”.
3 meses en países europeos
Os 50 mozos presentes na reunión celebrada esta mañá, partirán nos vindeiros días cara diferentes puntos de Europa para comezar a súa formación especializada nalgúns dos empregos con máis futuro, como os relacionados coas novas tecnoloxías; o medio ambiente; a agricultura, silvicultura e pesca ou o turismo.
Os bolseiros formaranse e traballarán durante un período de 3 meses, sen ningún tipo de custe para eles, logo do cal regresarán á provincia cun currículo mellorado que lles permitirá aumentar de xeito significativo as súas posiblidades de inserción laboral.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
