A décimo segunda edición de RetoAlcoa, programa educativo de formación empresarial patrocinado pola Fundación Alcoa, púxose en marcha o 13 de xaneiro coa participación de preto de 400 estudantes de centros educativos de Galicia, concretamente da Coruña e Lugo. En total, participan 129 equipos de mozos galegos que competirán con outros de distintas comunidades autónomas poñendo en práctica os coñecementos adquiridos nas asignaturas de matemáticas, administración de empresas e economía.
Os estudantes inscritos na Coruña, en total 54 equipos, cursan estudos nos institutos de ensinanza superior David Buján (7 equipos), F. Wirtz Suárez (6 equipos), Manuel Murguía (2), Pontepedriña (1), Sabón (20) e Sofía Casanova (18).
Da provincia de Lugo inscribíronse 75 equipos, concretamente dos institutos A Pinguela (1 equipo), Da Terra Cha “Jose Trapero Pardo” (3), De Foz (7), Dionisio Gamallo Fierros (18), María Sarmiento (14), Marqués de Sargadelos (12), Río Cabe (7), Río Miño (3), Santiago Basanta Silva (3) e Xoán Montes (7).
Entotal, participan 700 estudantes distribuidos en 241 equipos inscritos de 31 centros educativos das distintas comunidades nas que Alcoa está presente en España: A Mariña de Lugo, A Coruña, Avilés, Amorebieta, Alicante e Madrid.
O programa, que ten unha duración de máis de catro meses, inclúe o seminario “Habilidades para el Éxito” que se desenvolverá na Coruña e na Mariña de Lugo, con participación de profesionais e directivos de diferentes áreas do mundo empresarial que compartirán cos mozos estudantes as súas experiencias profesionais e aspectos prácticos para facilitar a incorporación ao mundo laboral.
Patrocinado pola Fundación Alcoa e organizado por Junior Achievement, RetoAlcoa ten como objetivo estimular o espíritu emprendedor dos máis novos, á vez que mellorar a súa formación en xestión empresarial nun contexto de competencia económica e valores éticos. Ofrece aos mozos a oportunidade de actuar como xestores dunha empresa ficticia sobre a que deben tomar as decisións que marcan o día a día no mundo real dos negocios.
O software deseñado para este programa educativo permite que os estudantes comproben como afectan á súa compañía ficticia as decisións que toman en canto ao prezo do producto, a inversión en investigación ou o gasto en publicidade, entre outros aspectos.
RetoAlcoa está concibido coma unha ferramenta útil para que os mozos de bacharelato e formación profesional poñan en práctica os coñecementos adquiridos nas asignaturas de matemáticas, administración de empresas e economía. Ademais, o programa está deseñado para que o seu desenvolvemento resulte unha competición emocionante e atractiva.
Tutelados e guiados polos seus profesores, cuxa involucración é imprescindible para que o programa cumpra os seus obxectivos educativos de maneira óptima, os estudantes terán que superar diversas rondas eliminatorias durante os catro vindeiros meses.
Junior Achievement desenvolve programas educativos que proporcionan aos mozos coñecementos básicos sobre os sistemas socioeconómicos que rixen a actividade empresarial, co fin de impulsar neles o espírito emprendedor.
Fundación Alcoa, que se sustenta dos seus propios activos financeiros e non dos da compañía, contribúe a mellorar a calidade de vida dos habitantes que forman parte das comunidades nas que Alcoa está presente, financiando proxectos de organizacións que melloran as oportunidades en educación e formación, saúde e seguridad e de respeto ao medio ambiente.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
